Marka 4:8 - Tedim Bible

⁸ Kimkhatte in lei hoihna-ah kia a, po-in khang a, a zah sawmthum, a zah sawmguk, a zah zakhat a gah hi.

Tedim Bible Revision 2017

⁸ A dangte ahihleh lei hoihna mun tu ahih manin hong po-in khang a, a zah sawm thum, a zah sawm guk, a zah za khat dongin an hong piang hi,” a ci hi.

Marka 4:8 Referans Kwoze

Johan 15:5

Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Marka 4:20

Lei hoihna ah a kiate in thu a zak uh ciangin mang uh a, a zah sawmthum, a zah sawmguk, a zah zakhat a gah thei ahi uh hi,” a ci hi.

Piancilna 26:12

Isaak in tua leitangah khai tuh a, tua kum mahin a zah zakhat la hi. Topa in amah thupha pia a,

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Mattiu 13:8

Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Luka 8:8

Kimkhattte in lei hoihna-ah kia a, kung po a, a zah zakhat a gah hi,” ci-in a gen khit ciangin, “Zak nading bil a nei teng in na za ta un!” ci-in a kiko hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Marka 4:7

Kimkhatte in ling lakah a kia hi. Ling kungte khang uh a, dep gawp uh ahih ciangin a gah kei hi.

Marka 4:9

Zak nading bil a nei teng in za ta un!” a ci hi.

Efesa 2:21

Tua suang leh inn khempeuh in kizomin khang a, Topa sungah a siangtho biakinnpi ahi hi.