Marka 4:40 - Tedim Bible

⁴⁰ Tua lai takin Zeisu in, “Note in bang dinga lau na hi uh hiam? Upna nei lo na hi uh hiam?” ci-in a dong hi.

Tedim Bible Revision 2017

⁴⁰ Tua ciangin Jesu in a nungzuite kiangah, “Bang hangin lau na hi uh hiam? Tu ciang dong upna nei nai lo na hi uh hiam?” a ci hi.

Marka 4:40 Referans Kwoze

Luka 8:25

Zeisu in, “Na upna uh koi-ah om hiam?” ci-in a dong hi. Amaute lau uh ahih ciangin, lamdang a sa uh a, “Hih mi in kua mi ahi hiam? Huih leh tui nangawn thu a piak ciangin a ngai tazen uh hi,” ci-in khat leh khat a kikum uh hi.

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Mattiu 14:31

Zeisu in thakhatin a khut zan a, Piter lenin, “Upna neupa aw, bang hangin um khial na hi hiam?” a ci hi.

Mattiu 16:8

Zeisu in a theih ciangin, “Upna neu mite aw, khomun na neih loh manun, bang hangin khat leh khat na kikum uh hiam?

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Mattiu 6:30

Upna neute aw, tuni-in om a, zing ciangin mei khukah kikhul thei lopate Pasian in puan silhsak ahih ciangin, tua tham loin note zong puan hong silhsak ding hilo ahi hiam?

Isaiah 42:3

amah in a kisunimsa pumpeng sukham lo ding a, a khu suak mei khau sumit lo ding hi. Amah in thumanna tawh mi khempeuh tungah thutang thu sem khia ding hi.

Marka 4:41

Amaute in lau mahmah uh a, “Hih pa in kua mi ahi hiam? Huih leh tuipi nangawn in a thu ngai tazen uh hi,” ci-in khat leh khat a kikum uh hi.