Marka 4:4 - Tedim Bible

⁴ Khaici a vawh lai takin kimkhatte in lampi geiah kia a, vasate hong pai-in, tawmin a ne uh hi.

Tedim Bible Revision 2017

⁴ Khaici a vawh ciangin pawl khatte lamdung tu a, vasate hong leengin tawmin a ne uh hi.

Marka 4:4 Referans Kwoze

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Marka 4:15

Lampi geiah khaici a kiate in, thu a zak uh ciangin thakhatin Satan hong pai a, amau sungah a kivawh thu a lakkhiatte ahi uh hi.

Mattiu 13:4

“En un, khaici vawhpa in khaici vawh dingin a kuankhia hi. Khaici a vawh lai takin, kimkhatte lampi geiah kia a, vasate hong pai-in, tawmin a ne uh hi.

Piancilna 15:11

Sasialne vasate tua sate' tungah hong tuksuk ciangin Abram in tuate hawlkhia hi.

Luka 8:12

Lampi geiah a kiate in, thu a zak khit uh ciangin thu um uh a, gupna a ngah loh nadingun, dawimangpa hong pai-in, a sinsung uh pan thu a lakkhiatte ahi uh hi.

Luka 8:5

“Khaici vawhpa in khaici vawh dingin a kuankhia hi. Khaici a vawh lai takin kimkhatte in, lam geiah kia a, kisik gawpna thuak a, van a, vasate in tawmin a ne uh hi.

Marka 4:3

“Ngai un, khaici vawhpa in khaici vawh dingin a kuankhia hi.

Marka 4:5

Kimkhatte in lei tam lohna suang lakah kia a, lei a dai manin a po pah hangin,