Marka 4:39 - Tedim Bible

³⁹ Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Tedim Bible Revision 2017

³⁹ Jesu zong tho-in, “Nung nawn kei in,” ci-in huihpi thu pia a, tuihualte kiangah, “Kilok nawn kei un,” a ci hi. Tua ciangin huihnung khawlin dai khipkhep pah hi.

Marka 4:39 Referans Kwoze

Late 107:29

Amah in huihpi dai sak a tuipi hualte a bei hi.

Late 89:9

Nangmah in tuipi khang na uk a, a tuihualte a saan’ ciangin na daisak hi.

Late 65:7

tuipi gingte, tuihual gingte, mi gamlumte a daisakpa aw,

Late 29:10

Tuicin tungah Topa tu hi; a tawntung kumpi hihna tawh Topa tu hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Paunak 8:29

tuipi tuite in ama cihna bangin khengin, a luan’ loh nading thu a piak lai takin ka om a, leitung bulpite a ciamteh lai takin,

Late 148:8

mei leh gial, tuikhal leh vuuk, ama thupiakna a mang huihpi!

JOB (Job) 38:11

Tuipi kiangah, ‘Hih ciang bek na pai ding a, a ban na kin nawn kei ding hi; na tuihualte, hih ciang bek pai ding hi,’ ka ci hi.

Paikhiatna 14:22

Israel mite tuipi laizang leikeu tungah pai uh a, amau' taklam leh veilam-ah kawm bangin tuite om hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Paikhiatna 14:16

Israel mite in leikeu tung tawnin tuipi a kantan theih nadingin na ciangkhut laamto in la, tuipi tungah na khut zan-in khenkham in.

Luka 4:39

Zeisu in ama kiangah ding-in cinatna a taai khit ciangin, a nattun’ dam a, thakhatin thoin zinte a vak hi.

Nahum 1:4

Amah in tuipi a taii ciangin tuipi kangcip pah a, gunpite zong kangcip sak hi. Bashan gam keu gawpin, Karmel Mual kausan a, Lebanon Mual-a pakpalhte vul hi.

Kah la 3:31

Topa in hehpihna tawh kidim ahih manin hong nial paisuak lo ding hi.

Mattiu 8:26

Zeisu in, “Upna neute aw, bang dinga lau na hi uh hiam?” a cih khit ciangin, tho a, huih leh tuihual a taai khit ciangin a dai ta hi.

Marka 4:38

Zeisu in gunkuang tawlam lukham tungah a ihmu hi. Amaute in phong uh a, “Topa aw, kote kisiat ding nong awi hiam?” a cih uh ciangin

Luka 4:35

Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.