Marka 4:38 - Tedim Bible

³⁸ Zeisu in gunkuang tawlam lukham tungah a ihmu hi. Amaute in phong uh a, “Topa aw, kote kisiat ding nong awi hiam?” a cih uh ciangin

Tedim Bible Revision 2017

³⁸ Jesu pen gunkuang nung lamah lukham khamin ihmu-in a om hi. A nungzuite in amah phongin, “Sia aw, kote si tale ung phamawh hong sa lo na hi hiam?” a ci uh hi.

Marka 4:38 Referans Kwoze

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Mattiu 8:25

A nungzuite in Zeisu a phong uh a, “Topa aw, kote ka si dek tak uh hi. Hong hon in,” a ci uh hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.

Isaiah 64:12

Topa aw, hih nate ah nangmah ki-ip cip ding na hi hiam? Nang dai takin om dide-in nakpi takin kote hong gimsak ding na hi hiam?

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Johan 4:6

Tua munah Jakob’ tuikhuk a om hi. Tua ahih ciangin, Zeisu a lam paina gim ahih ciangin tuikhuk gei-ah a tu hi. Tua hun in sun laitak ahi hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Kah la 3:8

Hong huh un ci-a ka kiko hangin ka kikona aw a pua lamah a kiza zo kei hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Marka 4:37

Tua lai takin huih nakpi nung a, tui kilok in gunkuang kipap a, gunkuang sungah tui a dim hi.

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.