Marka 4:15 - Tedim Bible

¹⁵ Lampi geiah khaici a kiate in, thu a zak uh ciangin thakhatin Satan hong pai a, amau sungah a kivawh thu a lakkhiatte ahi uh hi.

Tedim Bible Revision 2017

¹⁵ Khat veivei lamdung a tu khaici bang a, mite in a thu za napi-in, a zak khit phetun Satan hong pai-in amaute sunga a kivawh thute lakkhiatsak hi.

Marka 4:15 Referans Kwoze

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

2 KORIN NIHNA 2:11

Tua ahih kei leh, Satan in ei hong zawh khak ding lunghihmawh huai hi. Ama hanciamna eite in i thei hi.

Luka 8:12

Lampi geiah a kiate in, thu a zak khit uh ciangin thu um uh a, gupna a ngah loh nadingun, dawimangpa hong pai-in, a sinsung uh pan thu a lakkhiatte ahi uh hi.

Marka 4:4

Khaici a vawh lai takin kimkhatte in lampi geiah kia a, vasate hong pai-in, tawmin a ne uh hi.

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

Mangmuhna 20:7

Kum tul a cin’ khit ciangin Satan in a kikhumna pan kikhahin,

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

2 THESALONIKA NIHNA 2:9

Tua a kiseel Gilo a hong pian’na thu in, Satan bawlna bangin zuauna tawh kipawl vangliatna, nalamdang leh dipkuat huaina apawl pawlte tawh ahi zongin,

Mattiu 22:5

Ahih hangin a sapte in thusim lo uh a, khat lo a kuan hi; khat sumzuakin a pai hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Zekhariah 3:1

Topa in mang hong musak a, Topa’ vantungmi mai-ah siampi lian Joshua ding-in, a mawhna a zong dingin a kiangah Satan zong a om ka mu hi.

Piancilna 19:14

Tua ahih ciangin Lot paikhia-in a tanute a ten’pih ding a mak dingte' kiangah, “Tho un, hih mun panin paikhia un; bang hang hiam cih leh Topa in khuapi a susia ding hi ta hi,” ci hi. Ahih hangin amah a mak dingte tungah a ciamnui bang lel hi.

Hebru 12:16

numei gilo tawh a mawhte a om loh nading ahi zongin, khatvei neek bek tawh ama ta upa-za a zuak Esau bangin Pasian’ thu a simmawh mi a om loh nadingin kikemin kidawm un.

Sawltak 17:32

Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

Marka 4:14

Khaici vawhpa in thu a vawh hi.

Marka 4:16

Tua mah bangin, suang lakah a kiate in thu a zak uh ciangin, lungdamin a mang pah uh hi.