Marka 3:9 - Tedim Bible

⁹ Mihonpite in Zeisu a sukkhak loh nadingun, ama kiangah gunkuang khat omsak khol dingin a nungzuite a hilh hi.

Tedim Bible Revision 2017

⁹ Mihonte tam lua mahmah ahih manin amaute in Jesu a nehcip gawp khak loh nadingin ama om nading gunkuang khat a koih nadingun a nungzuite a sawl hi.

Marka 3:9 Referans Kwoze

Johan 6:15

Tuate hong pai-in Topa kumpipa-a koih nadingin a hahbawl ding uh cih Zeisu in a theih ciangin, mual tungah amah guak a kahto kik hi.

Marka 5:30

Zeisu in ama tung pan vangliatna paikhia a theih khit ciangin, mihonpi lamah kihei a, “Ka puan kua in lawng hiam?” a ci hi.

Mattiu 15:39

Amah in tua mihonpi a paikhiatsak khit ciangin, gunkuang tungah tuangin Magadan gamah a pai hi.

Marka 4:1

Khatvei Zeisu in tuili geiah thu a hilh lai takin, mihonpite a kiangah kikhawm uh a, amah in tui gei nai-ah a om gunkuang tungah tuangin a tu hi.

Marka 4:36

Amaute in mihonpi nusia-in paikhia uh a, gunkuangah amah a om bangin amaute in Topa tawh tuang khawmin a pai uh hi. Gunkuang dangte zong amau tawh a paikhawm uh hi.

Marka 5:2

Zeisu in gunkuang sung pan a pusuah khit ciangin, thakhatin a kihhuai dawi lutpa khat in han lak panin a dawn hi.

Marka 6:32

Tua ahih ciangin, gunkuang tungah tuangin gamlak gam daihna-ah a pai uh hi.

Luka 5:1

Tua lai takin Zeisu kiangah, mihonpite in neh uh a, Pasian thu a ngaih lai takun Gennesaret tuili geiah amah a ding hi.

Luka 5:3

Simon’ gunkuang ahi tua gunkuangte khat tungah Zeisu a tuan’ khit ciangin, gunkuang tuipi gei pan tomno a kihal nadingin Simon kiangah a gen hi. Zeisu in gunkuang tungah tu-a mihonpite thu a hilh hi.