Marka 3:35 - Tedim Bible

³⁵ Bang hang hiam na cih uh leh, vantung khua-ah a om ka Pa’ deihna bang a gamtate in ka sanggampa, ka sanggamnu, ka nute ahi uh hi,” a ci hi.

Tedim Bible Revision 2017

³⁵ Pasianʼ deihna bangin a gamta mi khempeuh ka nu le ka sanggamte ahi uh hi,” a ci hi.

Marka 3:35 Referans Kwoze

1 JOHAN MASA 2:17

Leitung leh leitung deihgawhnate in a mangthang ding ahi uh hi. Pasian’ deihna bang a gamta mi ahih leh, a kip tawntung ding hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Efesa 6:6

Mite lungnemsak mi bangin amaute mai bekah mang hi loin, Khazih’ sila bangin lungkimin Pasian’ deihna bangin mite’ nasem bang bek hi loin, Topa’ nasem bangin itna lungsim tawh na sem un.

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.