Marka 3:24 - Tedim Bible

²⁴ Gamkhat sung mi kilem loin a kikhen leh, a kip zo kei ding hi.

Tedim Bible Revision 2017

²⁴ Gam khat peuhpeuh phel nih kisuahin kido le-uh tua gam kip lo ding hi.

Marka 3:24 Referans Kwoze

Zekhariah 11:14

Tua ciangin Kipawlna a kici ciangkhut la-in ka kuaitan leuleu a, Judah leh Israel a kipawlna kiphiat hi.

Ezekiel 37:22

Israel mual tung gamah, amaute minam khatin ka gawmkik ding hi. Amaute in a uk ding khat nei ding uh a, amaute minam nih-in kikhen nawn lo ding uh a, kumpi nih-in kikhen nawn lo ding uh a, kumpi gam nih-in zong kikhen nawn lo ding uh hi.

2 SAMUEL NIHNA 20:6

Tua ciangin David in Abishai kiangah, “Tu-in Bikhri’ tapa Sheba in Absalom sangin eite tungah siatna tamzaw hong bawl ding hi; na topa’ nasemte la in la, amah delh in, tua hi kei leh amah in ama adingin khuapi muanhuaite ngahin eite tungah buaina hong piang sak ding hi,” a ci hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong om kha hi; amah in peengkul tumin, “David sungah tanh i nei kei hi, Jessi’ tapa’ sungah gamh i nei kei hi; mi khempeuh na inn ciat uh-ah ciah un, Israelte aw,” a ci hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Mattiu 12:25

Zeisu in amau lungsim ngaihsutna a theih ciangin, “Gamsung mi kilem lo-a a kikhen gam khempeuh kisia ding hi. A mi kilem lo, a kikhen khua leh inn khempeuh zong a kip zo kei ding hi.

Marka 3:23

Zeisu in amaute sam a, thugentehna tawh thu a hilh-inah, “Satan in Satan bangci a hawlkhia zo ding hiam?

Marka 3:25

Ami kilem lo a kikhen inn sung in zong a kip zo kei ding hi.