Marka 3:2 - Tedim Bible

² Nipi ni-in cinatna a damsak ding hiam, damsak lo ding hiam ci-in amaute in Zeisu a mawhsak nop manun a en uh hi.

Tedim Bible Revision 2017

² Jesu gamta khial hi, ci-in a mawhsak nuam mi pawl khat tua lai ah om uh a, Sabbath ni-in hih mipa a damsak kha hiam, ci-in vil gige uh hi.

Marka 3:2 Referans Kwoze

Late 37:32

Migilo in thuman mi encik a, thah dingin zong hi.

Luka 14:1

Nipi ni khatvei Zeisu in Farisaite upa khat’ inn sungah an ne dinga a lut ciangin, amaute in amah a en uh hi.

Luka 6:7

Nipi ni-in cinatna damsak ding hiam damsak lo ding hiam, ci-in laitheite leh Farisaite in Zeisu a mawhsak nop manun a en uh hi.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Johan 9:16

Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.

Mattiu 12:10

Tua lai-ah khut langkhat si mi khat a om hi. Amaute in Topa a mawhsak nop manun, “Nipi ni-in cinatna damsak tuak ahi hiam?”ci-in a dong uh hi.

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Marka 3:3

Zeisu in, “A lai zangah ding in,” ci-in khut sipa kiangah a cih khit ciangin,

Johan 8:6

Tua bang a cih uh ciangin, Zeisu tungah mawhna zon’ nadingun ci-in a ze-et uh hi. Ahih hangin Zeisu kun a, a khutme tawh leiah lai a gelh hi.