Marka 2:22 - Tedim Bible

²² Kuamah in savun um lui sungah leenggahtui thak a thun kei uh hi. Tua bangin a thun leh, leenggahtui in savun a puak khamsak ding a, leenggahtui leh savun a kisia gawp ding uh hi. Leenggahtui thak savun thak sungah a thun uh hi,” a ci hi.

Tedim Bible Revision 2017

²² Kuamah in savun um lui sungah leenggahzu a thak thun ngei lo hi. Thun zenzen leh leenggahzu in savun um phukham dinga, a leenggahzu le a savun um, a nih tuakin a kisia suak ding hi. Tua ahih manin leenggahzu thak koih nadingin savun um thak kizang hi,” ci-in a dawng hi.

Marka 2:22 Referans Kwoze

Mattiu 9:17

Mite in leenggahtui thak savun uum lui sungah a thun kei uh hi. Tua bangin a thun leh, savun a puakkham sak ding hi. Leenggahtui luangkhia-in savun a kisia gawp thei hi. Leenggahtui thak savun uum thak sungah a kithun leh, a nihin kisia lo ding uh hi,” a ci hi.

Late 119:83

Bang hang hiam cih leh kei pen meikhu lak-a a kikoihdak savun-um tawh ka kibang a, ahih zongin nangma ngeina kipte ka mangngilh tuan kei hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Joshua 9:13

hih leenggahzu umte ka thun lai takun a thak ahi hi, tu-in en un, puak gawp hi; hih ka puante uh leh ka khedapte uh khual gamlapi zinna-in paat gawp hi,” a ci uh hi.

Joshua 9:4

amaute zuauthu tawh gamta uh a, lam-an bawlin, a late uh tungah a paatsa ip leh a paatsa leenggahzu um leh a kikeek leh a kiphopte guangin,

JOB (Job) 32:19

Thu gen theih nading hun nei lo hi leng, leenggahtui thak a kithun leenggahtui um bangin ka puakkham ding hi.

Marka 2:21

Kuamah in puanlui, puanthak tawh a thuap kei uh hi. Tua banga a thuap leh, a thuapna puanthak in puanlui keeksakin a vang gol thei hi.

Marka 2:23

Tua lai takin Zeisu in Nipi ni khatvei buhleiah a vak leh, lam a pai lai takun a nungzuite in buhvuite a zut uh hi.