Marka 2:20 - Tedim Bible

²⁰ Ahih hangin, zipipa in a lawmte tawh a kikhen ni hong tung ding hi. Tua ni ciangin amaute in an nek a tang ding uh hi.

Tedim Bible Revision 2017

²⁰ Ahi zongin amaute kiang panin zineipa a kipaikhiat pih hun hong tung dinga, tua hun a tun ciangin an ne loin a om ding uh hi.

Marka 2:20 Referans Kwoze

Luka 17:22

Zeisu in khatvei a nungzuite kiangah, “Note in Mihing Tapa’ hun leh nite khat na muh nop hun uh a hong tung ding hi; ahih hangin na mu kei ding uh hi.

Mangmuhna 21:9

Tua lai takin a nunung bel gimna pawl sagih a omsa hai sagih a tawi vantungmi sagihte khat hong pai-in, kei kiangah, “Hih lai-ah hong pai in. Tuuno’ zi ahi mo kong lak ding hi,” hong cih khit ciangin,

Mangmuhna 19:7

Lungdamin nuam ni, a min phat ni! Bang hang hiam i cih leh, Tuuno’ zipi hun a tung zo hi. A lawmnu in kiging kholsa-in a om hi.

2 KORIN NIHNA 11:27

Gim mahmah a, hahkatna tawh nasepna, tamveipi gilkialna dangtakna, tam veipi antan’na, khuadam thuakna, puan nei lo-a omna, hih gimna khempeuh ka thuak zo hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

1 KORIN MASA 7:5

Thungen dingin na lungsim uh kikhatin, tawlkhat bek tan’na longal note in khat leh khat na kinial kei un. Tua ahih ciangin na pum uh na kham zawh lohna uh hangah Satan in hong zol loh nadingin, a nung ciangin omkhawm kik un.

Sawltak 14:23

Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

Sawltak 1:9

Tua thu a gen khit ciangin sawltakte in a et lai takun, Zeisu vantung lamah kilato a, amau in a muh loh nadingun meii khat in a liah hi.

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

Johan 17:11

Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 3:29

Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

Mattiu 26:31

Tua lai takin Zeisu in, “Tuucingpa ka satlum a, tuu honpite a kithehthang ding uh hi,’ ci-a Lai Siangtho sungah a kigelh bangin note na vekpi-un kei hangin, tuzan ciangin na lungkia ding uh hi. Ahih hangin ka thawhkik khit ciangin note maiah Galile gamah ka pai ding hi,” a cih ciangin

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Solomon la 3:11

Jerusalem nungakte aw, hong pai un la, Kumpi Solomon en dih ve un. A zi neih ni, a lungdam ni, a nu in amah a khuksak Kumpi lukhu hong khu hi.

Late 45:11

kumpipa in na mel hoihna deih ding hi. Na topa ahih ciangin ama mai-ah kun in;

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

Johan 12:8

Bang hang hiam na cih uh leh, mizawngte in note tawh a omkhawm ngitnget uh hi. Kei ka hih leh, note tawh omkhawm ngitnget ding ka hi kei hi,” a ci hi.

Mattiu 9:15

Zeisu in, “Zipipa in a lawmte tawh a omkhawm lai takin tuate a dah thei ding uh hiam? Ahih hangin zipipa in a lawmte tawh a kikhen ni a hong tung ding hi. Tua ciangin a lawmte in an nek a tang ding uh hi.

Marka 2:19

Zeisu in, “Zipipa in a lawmte tawh a omkhawm lai takin tuate in an a tang thei uh hiam? A omkhawm lai teng an nek a tang thei kei uh hi.

Marka 2:21

Kuamah in puanlui, puanthak tawh a thuap kei uh hi. Tua banga a thuap leh, a thuapna puanthak in puanlui keeksakin a vang gol thei hi.

Luka 5:35

Ahih hangin a hun hong tung ding a, zipipa in a lawmte tawh a kikhen khit ciangin, tua ni-in amaute in an nek a tang ding uh hi,” a ci hi.