Marka 2:15 - Tedim Bible

¹⁵ Zeisu in Levi’ inn sungah an a nek lai takin siahdongte leh mawhnei tampite in Zeisu leh a nungzuite tawh a tukhawm uh hi. Bang hang hiam i cih leh, mi tampite in a nung a zui uh hi.

Tedim Bible Revision 2017

¹⁵ Tua nung ciangin Jesu in Leviʼ inn ah an a va ne hi. Siahdong mi tampi le thukham a khial mi tampite in Jesu zui uh a, amaute tampi in Jesu le a nungzuite tawh an a nekhawm uh hi.

Marka 2:15 Referans Kwoze

Luka 15:1

Tua lai takin siahdongte leh migilote khempeuh in Zeisu’ thu ngai dingin a kiangah a nai uh hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Marka 2:14

Amah in lam a pai lai takin Alefas’ tapa Levi in siahdon’na buk sungah tu-in a om a mu hi. “Ka nung hong zui in,” a cih ciangin ding-in a zui hi.

Marka 2:16

Zeisu in mawhneite leh siahdongte tawh an a nek khawm Farisaite leh laitheite in a muh uh ciangin, a nungzuite kiangah, “Amah in siahdongte leh mawhneite tawh bang hangin an nekhawm, tui dawnkhawm ahi hiam?” a ci uh hi.