Marka 16:17 - Tedim Bible

¹⁷ Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Tedim Bible Revision 2017

¹⁷ A um mite tungah hih vangliatna limte kipia ding hi: Keima hangin dawi hawl khia thei ding uh a, pau dangte pau thei ding uh hi.

Marka 16:17 Referans Kwoze

Sawltak 5:16

Jerusalem kimkot khuate panin mi tampite in cina khempeuh leh dawi bawlsiatte hong paipihin a kikhawm uh a, tua micinate khempeuh in damna a ngah kim uh hi.

1 KORIN MASA 12:28

Pasian in a masa belin sawltakte, a nihna thuhilhte, a thumna laihilhte, tua khit ciangin nalamdang a lak theite, tua khit ciangin cina damsak theite, huhte, pawlpi ukte, paunam tuam tampi a gen theite, pawlpi sungah a koih zo hi.

1 KORIN MASA 12:10

Mi khat kiangah nalamdang bawlna thu, mi khat kiangah kamsan’na thu, mi khat kiangah lungsim kha khentel theihna thu, mi khat kiangah paunam tampi gen theihna thu, mi khat kiangah tua paute a khiatna gen theihna thute a pia hi.

Sawltak 8:7

Bang hang hiam i cih leh, dawivei mi tampite pan dawite in nakpi-in kiko-in a pusuak uh hi. A pum langkhat a si mi leh khebai mi tampi in damna a ngah uh hi.

Luka 10:17

Tua sawmsagihte in lungdamna tawh hong ciahkik uh a, “Topa aw, na minin dawite nangawn ka zo uh hi,” a ci uh hi.

Sawltak 10:46

Bang hang hiam i cih leh, tua mite in kamtuam tawh pau-in, Pasian’ min a phat uh cih a za uh hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Sawltak 19:6

Paul in amaute tungah a khut a ngak khit ciangin, Kha Siangtho in amaute tungah hong tung a, amaute in kamtuam pau thei-in thu a hilh uh hi.

1 KORIN MASA 14:2

Bang hang hiam na cih uh leh, kamtuam tawh a gen mi in mite kiangah a gen ahi kei hi, Pasian kiangah a gen hi; kuamah in ama kam a thei kei hi, Kha Siangtho tawh thuthuk a gen hi.

1 KORIN MASA 12:30

A om khempeuh in cina damsak theite ahi uh hiam? A om khempeuh in pautuam tampi gen theite ahi uh hiam? A om khempeuh in tua kamte a khiatna gen theite ahi uh hiam?

1 KORIN MASA 13:1

Keimah in leitungmite’ kam ahi zongin, vantungmite’ kam ahi zongin ka gen theih hangin itna ka neih kei leh, a ging thei dak, a ging thei daltuah tawh kibang ka hi ding hi.

Sawltak 16:18

Tua bangin ni tampi a hih hi. Paul in lungdam lo a, kihei-in, “Zeisu Khazih’ min tawh ama sung pan na paikhia in, thu kong pia hi,” a cih ciangin tua dawi in thakhatin a taikhia hi.

Marka 9:38

Johan in, “Sia aw, nangma min tawh dawite a hawlkhia mi khat ka mu uh hi. Amah in eite hong zui lo ahih ciangin ka kham uh hi,” ci-in Zeisu kiangah a gen hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.