Marka 16:15 - Tedim Bible

¹⁵ “Note leitung khempeuh ah vak kawikawi un la, mi khempeuh kiangah Lungdamna Thu na hilh un.

Tedim Bible Revision 2017

¹⁵ Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

Marka 16:15 Referans Kwoze

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Marka 13:10

Lungdamna Thu a masa belin mipawl khempeuh a kihilh ding hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Late 96:3

Ama minthan’na, minamte lakah gen un la, ama nalamdang septe, mi khempeuh lakah pulak un!

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Late 22:27

Leimong khempeuh in phawkin Topa’ lamah kihei ding uh a, minamte’ innkuan khempeuh in ama mai-ah bia ding uh hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Mangmuhna 14:6

Leitungah a teeng mite-a kipan gam khempeuh, nam khempeuh, pau khempeuh, pawl khempeuhte kiangah tawntung Lungdamna Thu hilh dingin vantungmi adang khat in vankim lai-ah a leeng ka mu hi.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.