Marka 16:14 - Tedim Bible

¹⁴ Tua nung ciangin, nungzui sawm-le-khatte in an a nek laitakun Zeisu amaute kiangah kilang a, amah a thawhkik khit ciangin a mu mite’ thugen um lo ahih uh ciangin, amaute’ upkhialhna leh lungkhauhna hangin a mawhsak hi.

Tedim Bible Revision 2017

¹⁴ (Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Marka 16:14 Referans Kwoze

1 KORIN MASA 15:5

Kefas kiangah a kilat khit ciangin sawm-le-nihte kiangah a kilang hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Johan 20:27

Tua lai takin Thomas kiangah, “Na khutmete zan in la, ka khut en in. Na khut zan in la, ka pang hong lawng in, um khial kei in la, um in,” a ci hi.

Mattiu 11:20

Tua khit ciangin vangliatna tampi a lahna khuate in, a mawhna kisik kik lo uh ahih ciangin Zeisu in a mawhsakinah,

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Marka 7:18

Zeisu in, “Note in zong lungpilna nei nai lo na hi uh hiam? Mi pua lam pan a sungah a lut khempeuh in, mi a ninsak zo lo thei lo na hi uh hiam?

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Mattiu 28:17

Topa tawh a kimuh uh ciangin a bia uh a, ahih hangin kimkhat in a um khial lai uh hi.

Luka 24:11

Sawltakte in tua thute a mawkna thu sa uh a, a um kei uh hi.

Johan 20:25

Tua ahih ciangin nungzui dangte in, “Topa ka mu zo uh hi,” ci-in Thomas kiangah a gen uh ciangin amah in, “A khut a, sikkhetna pawn mu-in, sikkhetna pawn sung ka khutme tawh lawng a, ama pang zong ka khut tawh ka lawn’ kei leh, ka um kei ding hi,” a ci hi.

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

Johan 21:1

Tua nung ciangin, Tiberias tuili geiah a nungzuite kiangah Zeisu a kilak hi. A kilahna thu in hih bang ahi hi.

Johan 21:14

Hih kilakna in Zeisu sihna pan a thawhkik khit ciangin, a nungzuite kiangah thumvei a kilakna ahi hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.