Marka 15:5 - Tedim Bible

⁵ Zeisu in kam khat beek dawngkik lo a, Pilat in lamdang a sa hi.

Tedim Bible Revision 2017

⁵ Ahi zongin Jesu in amah a kimawhsaknate kam khat beek dawng het lo ahih manin Pilat in lamdang a sa mahmah hi.

Marka 15:5 Referans Kwoze

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

1 KORIN MASA 4:9

Thah dinga kikoih mite bangin, mi khempeuh nungah sawltak kote, Pasian in hong lak zo hi ci-in ka um hi. Bang hang hiam na cih uh leh, vantungmite leh leitungmite mai-ah pawikham siim mi-in hong kikoih hi.

Mattiu 27:14

Zeisu in kamkhat beek a dawn’ kik loh mangpa in lamdang a sa mahmah hi.

Late 71:7

Mi tampi’ adingin sia-hil bang ka hih hangin nangmah in a muan’huai keima belh na hi hi.

Johan 19:9

mang inn sungah lut kikin, “Nang koi pan hong piang na hi hiam?” ci-in a dot ciangin, Zeisu in kamkhat beek a dawng kei hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Mattiu 27:12

Siampi liante leh upate in amah a mawhsak uh ciangin, Zeisu in kamkhat beek a dawng kei hi.

Marka 15:4

Khatvei Pilat in, “Kam khat beek dawngkik lo ding na hi hiam? Nang lang khatah amaute in hih zah tak hong mawhsakna en in,” a cih hangin,

Luka 23:9

Amah in thu tampi a dot hangin, Zeisu in kam khat beek a dawng kik kei hi.