Marka 15:19 - Tedim Bible

¹⁹ Pumpeeng tawh ama lutang sat uh a, cil tawh phihin, a mai-ah khukdin’in a bia uh hi.

Tedim Bible Revision 2017

¹⁹ Tua ciangin pumpeeng tawh a lu satin cilphih uh a, a zahtak bawl kineihin a mai ah a kun uh hi.

Marka 15:19 Referans Kwoze

Marka 14:65

Tua lai takin kimkhatte in Zeisu cil tawh phih uh a, a maitang tuamin a khut uh tawh a tum uh hi. “Pasian’ kamsangte bangin hong hilh in,” a ci uh hi. Palikte in khut tawh pang betin a paipih uh hi.

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

Filippi 2:10

Bang hang hiam na cih uh leh, Vantung, leitung, leinuai-a om mi khempeuh in, Zeisu’ min hangin khukdin’ uh a, “Pa Pasian’ minthan’na kilatsak nadingin, ‘Zeisu Khazih in Topa ahi hi,’ ci-in, Leii khempeuh in a mang ding uh hi.

ROM (Romans) 11:4

Pasian in zong ama kiangah bang ci gen ahi hiam? “Baal mai-ah a khukdin’ lo mi tul sagih keimah ading ka om sak zo hi,” a ci hi.

Luka 23:36

Galkapte zong pai uh a, tuithuk pia-in,

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Luka 22:63

Zeisu a len mite in amah zahkoin a sat uh hi.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Late 69:12

Khua kongpi sung a tu mite’ gengen ka hi a, zukhamte in keimah la-in hong sa uh hi.

JOB (Job) 13:9

Pasian in lim takin note hong entel leh note sungah hoihna mu ding ahi hiam? Mihingte na khem bangun Pasian khem thei dingin kingaihsun na hi uh hiam?

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tulsagih Israel sungah ka siit ding hi,” a ci hi.

Piancilna 43:28

Amaute in, “Nangma' nasem ka pa uh dam hi, amah nungta lai hi,” ci uh hi. Amaute in a lu uh kun uh a, zahtakna pia uh hi.

Piancilna 24:52

Abraham’ nasempa in amau’ kammalte a zak ciangin Topa’ mai lei lakah kun suk hi.

Mattiu 27:30

Zeisu cil tawh phih uh a, pumpeeng la-in a lutang a sat uh hi.

Marka 15:18

“Judah Kumpipa aw, nang na ci dam ta hen,” ci-in a kiko uh hi.

Marka 15:20

Tua bangin Zeisu a khelbawl khit uh ciangin, puansan suahkhia uh a, ama puan a silhsak khit uh ciangin, singlamteh tungah thah dingin a paipih uh hi.