Marka 15:15 - Tedim Bible

¹⁵ Pilat in mihonpi a lungdamsak nadingin Barabbas amaute kiangah khah a, Zeisu ahih leh, a sat khit uh ciangin, singlamteh tungah thah dingin a pia hi.

Tedim Bible Revision 2017

¹⁵ Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Marka 15:15 Referans Kwoze

Johan 19:1

Tua lai takin Pilat in Zeisu a sap khit ciangin a satsak hi.

Mattiu 27:26

Pilat in amaute kiangah Barabbas khah a, Zeisu ahih leh, a satsak khit ciangin singlamteh tungah thah dingin a pia hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Late 129:3

Lo khote in lei a kuih bangin ka nungzang kuikeek uh a, tu-ma-kuakte tawh kibangsak uh hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Johan 19:16

Tua ciangin, Pilat in Zeisu singlamteh tungah thah dingin amaute’ khut sungah a pia hi.

Late 57:11

Pasian aw, vantungte’ tungah sangto lai in! Leitung khempeuhah na minthan’na om sak in!

Galati 1:19

Amah leh Topa’ nau Jeim longal adang sawltakte khat beek ka mu kei hi.

Sawltak 25:9

Ahih hangin Festas in, “Jerusalem khua pai a, keimah in hih thu ka hong khensak ding na ut hiam?” ci-in Judah mite lungdamsak nuamin Paul kiangah a dong hi.

Sawltak 24:27

Kum nih a cin’ ciangin Porsias Festas in Feliks za a laih hi. Tua Feliks in Judah mite lungdamsak nuamin Paul thong sungah a omsak lai hi.

Luka 18:33

Amaute in amah satgawpin, a that ding uh hi. Ni thum ni ciangin a thokik ding hi,” a ci hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Marka 15:14

Pilat in, “Bang hang hiam? Amah in mawhna bang takhial ahi hiam?” ci-a a dot ciangin, “Singlamteh tungah that in,” ci-in nakpi-in a kiko uh hi.

Luka 23:16

Hih mi in sihna thuak nading a kilawm bangmah a hih kei hi.