Marka 15:14 - Tedim Bible

¹⁴ Pilat in, “Bang hang hiam? Amah in mawhna bang takhial ahi hiam?” ci-a a dot ciangin, “Singlamteh tungah that in,” ci-in nakpi-in a kiko uh hi.

Tedim Bible Revision 2017

¹⁴ Tua ciangin Pilat in, “Bang hangin tua ci na hi uh hiam? Bang siatna bawl ahi hiam?” a cih ciangin, “Singlamteh tungah that in,” ci-in a kinakko zaw semsem uh hi.

Marka 15:14 Referans Kwoze

Luka 23:41

Eite in thuman thu tanna i thuak hi. Bang hang hiam na cih leh, eite’ hihna tawh kituak i thuak hi. Hih pa ahih leh, bangmah mawhna a bawl kei hi,” ci-in a lawmpa a taai hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Sawltak 19:34

Judah mi ahih lam amaute in a theih uh ciangin, “Efesa khua Diana a lian hi!” ci-in nai nih sung dektak aw kikhatin a kiko uh hi.

Johan 19:6

Siampi liante leh upate in Zeisu a muh uh ciangin, “Singlamteh tungah that in! “Singlamteh tungah that in!” ci-in a kiko kik uh hi. Pilat in, “Nomau in amah la un la, singlamteh tungah that un. Ama tungah mawhna ka mu kei hi,” a ci hi.

Johan 18:38

Pilat in, “Thuman thutak bang ahi hiam?” a ci hi. Tua thu a gen khit ciangin Judah mite kiangah paikhia a, “Hih mi tungah mawhna ka mu kei hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Luka 23:21

Ahih hangin amaute in, “Tua pa singlamteh tungah that in, singlamteh tungah that in,” ci-in a kiko uh hi.

Luka 23:4

Pilat in, “Hih pa tungah mawhna ka mu kei hi,” ci-in siampi liante leh mihonpite kiangah a gen hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Isaiah 53:9

Amah in mawhna bawl lo, amah in zuau gen ngei lo napi-in, amaute in, mi gilote tawh hankhuk kibang, siatna bawlte tawh hanphual kibang bawl sak uh hi,” ci uh hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Late 69:4

Thu omlopi-a kei hong mudah mi, ka lu tunga samzangte sangin tamzaw uh hi; kei hong susia ding, zuauthu tawh hong dote hat mahmah uh hi. Kei’ guk lohpi, ke’n loh ding ka hi hiam?

Marka 15:13

Mihonpite in, “Tua pa singlamteh tungah that in,” ci-in a kiko uh hi.

Marka 15:15

Pilat in mihonpi a lungdamsak nadingin Barabbas amaute kiangah khah a, Zeisu ahih leh, a sat khit uh ciangin, singlamteh tungah thah dingin a pia hi.

Sawltak 13:28

A sih nading a kituak thu khatbeek a muh loh uh hangin, thah dingin Pilat mangpa kiangah a ngen uh hi.