Marka 14:61 - Tedim Bible

⁶¹ Khatvei siampi ukpa in, “Nang Thupha a nei, Pasian’ Tapa Khazih na hi hiam?” a cih kik ciangin,

Tedim Bible Revision 2017

⁶¹ Ahi zongin Jesu pau loin a omcip hi. Tua ciangin siampi lianpen pa in, “Phatna a ngah Pasianʼ Tapa, Khris na hi hiam?” ci-in a dongkik leuleu hi.

Marka 14:61 Referans Kwoze

Marka 15:2

Pilat in, “Nang Judah Kumpipa na hi hiam?” ci-in a dot ciangin Zeisu in, “Na cih mah bangin ka hi hi,” a ci hi.

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Late 119:12

Topa aw, thupha ngah ta in; na ngeina kipte kei hong hilh in!

Late 39:9

Hih banga bawl nangmah na hih manin pau loin ka om a, ka kam ka ka kei hi.

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

1 TIMOTI MASA 6:15

Sihna tawh kipelh mi khat bek ahi, kuamah in a naih theiloh khuavak sungah om a, kuamah in a muh ngei loh, a muh theih loh, thupha a ngah Topa khat bek ahi kumpite’ Kumpipa, topate’ Topa in ama ciamtehna hun hong tun’ ciangin tua Topa’ hong kilat khiatna hong lak ding hi. Tua Pasian in pahtawina, vangliatna ngah tawntung ta hen. Amen.

1 TIMOTI MASA 1:11

Tua bang i cih ciangin thupha a ngah a vanglian Pasian in kei hong kepsak Lungdamna Thu tawh a kituak hi.

Sawltak 8:32

Lai Siangtho a simna in: “Thah dinga a kipaipih tuu bangin amah kipaipih hi. Tuuno in a mul mette mai-ah a ham loh banginah, Amah in zong a kam a ka kei hi.

Johan 19:9

mang inn sungah lut kikin, “Nang koi pan hong piang na hi hiam?” ci-in a dot ciangin, Zeisu in kamkhat beek a dawng kei hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 10:24

Tua lai takin Judah mite in Zeisu kimkotin hong kikhawm uh a, “Bang tanvei ko hong lungkhamsak ding na hi hiam? Nang Khazih na hih leh, tangtakpi-in hong gen in,” a ci uh hi.

Marka 14:60

Siampi ukpa in amaute lai zangah ding a, “Nang kam khat beek dawng kik lo ding na hi hiam? Hih mite in nangma lang khatah teci bangci a pang uh hiam?” ci-in Zeisu kiangah a dot leh, Zeisu pau loin a om hi.