Marka 14:50 - Tedim Bible

⁵⁰ Tua ciangin, a nungzuite khempeuh in Topa a taisan uh hi.

Tedim Bible Revision 2017

⁵⁰ Tua ciangin a nungzuite khempeuh in Jesu a taisan uh hi.

Marka 14:50 Referans Kwoze

Marka 14:27

Tua lai takin Zeisu in, “Tuucingpa ka satlum a, tuute a kithehthang ding hi,” ci-a Lai Siangtho sunga a kigelh bangin, note na vekpi un na lungkia ding uh hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

Late 88:18

Hong itte leh ka lawmte keimah nong pelhsak khin a, khuamial bek, keima kikholhpih ahi hi.

Late 38:11

Ka gim thuakna-ah ka lawmte leh ka kithuahpihte kidaang koih uh a, ka behte kei kiang pan gamla om uh hi.

Johan 18:8

Zeisu in, “Kei tua pa ka hi hi kong ci zo hi,” a ci hi.

Isaiah 63:3

Mite’ lak panin kuamah in hong huh loin keimah guak in leenggah cil bangin minamte ka cil hi; sin sona tawh amaute ka cil a, hehna tawh amaute ka tuancil hi; ka puan tungah amaute’ sisan hong kitheh gawp a, ka puan khempeuh tungah sisan hong baang hi.

Marka 14:49

Keimah in ni simin biakna innpi sungah thu hilh a, note tawh ka omkhawm lai takin nong man kei uh hi. Hih thute in Lai Siangtho hong tun’ nading ahi hi,” ci-in mihonpite kiangah a gen hi.

Marka 14:51

Tangval khat in saihadial puan khat bek silhin Zeisu nung zui a,