Marka 14:49 - Tedim Bible

⁴⁹ Keimah in ni simin biakna innpi sungah thu hilh a, note tawh ka omkhawm lai takin nong man kei uh hi. Hih thute in Lai Siangtho hong tun’ nading ahi hi,” ci-in mihonpite kiangah a gen hi.

Tedim Bible Revision 2017

⁴⁹ Nisim nisimin biakinn sungah thuhilhin note tawh ka om khawm a, ahi zongin nong man kei uh hi. Ahi zongin hih thu pen Lai Siangtho sunga a kigelh thu a tun nading ahi hi,” a ci hi.

Marka 14:49 Referans Kwoze

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Marka 12:35

Zeisu in biakna innpi sungah thu a hilh lai takin, “Khazih in David’ Ta ahi,’ ci-in laitheite in bangci a gen thei uh hiam?

Mattiu 26:56

Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Mattiu 26:54

Tua bang ahih leh, hih bang a piang ding hi, ci-a Lai Siangtho sungah a om bangci a tung ding hiam?” a ci hi.

Mattiu 1:22

Tua thu khempeuh in Topa in a kamsangte tungah a genkholh bangin a tun’ nading ahi hi. Tua thu genna in:

Johan 10:23

Zeisu biakna innpi tual Solomon’ innliim ah a kawi pai hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

Luka 19:47

Zeisu in ni simin biakna innpi sungah thu a hilh hi. Ahih hangin siampi liante, laitheite leh miliante in amah thah nading a zong uh hi.

Marka 11:27

Amaute khatvei Jerusalem khua ah a tun’ kik uh ciangin, Zeisu in biakna innpi tual ah a kawivak lai takin, siampi liante, laitheite leh upate a kiangah hong pai uh a,

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Marka 10:1

Tua mun panin Zeisu tho a, Judah gam leh Jordan gun gal khatah a tung hi. Mi tampi in ama kiangah kikhawm kik uh a, a ngeina bangin thu a hilh hi.

Marka 14:48

Tua ciangin Zeisu in, ‘Note in galgu mat bangin kei man dingin namsau leh molhtum tawi-in na hong pai uh hiam?

Marka 14:50

Tua ciangin, a nungzuite khempeuh in Topa a taisan uh hi.