Marka 14:38 - Tedim Bible

³⁸ Kheemna tawh na kipelh theih nadingin thu ngen in la, ngak in. Lungsim a ut hangin pumpi a thazawng hi,” a ci hi.

Tedim Bible Revision 2017

³⁸ Tua ciangin amaute kiangah, “Ze-etna ah na puk khak loh nadingun pilvangin thu ngen un. Lungsim in ze-etna nang nuam napi, pumpi in nang zo lo hi,” a ci hi.

Marka 14:38 Referans Kwoze

Mattiu 26:41

Kheemna tawh na kipelh theih nadingun thu ngen un la, ngak un. Lungsim a ut hangin pumpi a thazawng hi,” ci-in Piter kiangah a gen hi.

Mattiu 24:42

Bang hang hiam na cih uh leh, na Topa uh hong pai ding ni na thei kei uh hi.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Luka 22:40

Tua mun a tun’ ciangin, “Kheemna tawh na kipelh theih nadingun thu na ngen un,” a cih khit ciangin,

Luka 22:46

Amaute kiangah, “Note in bang hangin ihmu na hi uh hiam? Tho un la, kheemna tawh na kipelh theih nadingun thu na ngen un,” a ci hi.

Galati 5:17

Bang hang hiam na cih uh leh, si-le-sa in Kha Siangtho tawh kido hi. Kha Siangtho in si-le-sa tawh kido hi. Bang hang hiam na cih uh leh, na sep nop uh bangin na sep theih loh nadingun tuate nih in khat leh khat kilem lo uh hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Marka 14:34

Amah in, “Si dek takin ka dah hi; hih san takah ngakin na om un,” ci-in thu a pia hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Marka 14:37

A nungzuite kiangah a paikik leh, amaute ihmu a, om uh a muh ciangin Piter kiangah “Simon aw, ihmu na hi hiam? Nai khat nangawn kei tawh ngakkhawm zo lo na hi hiam?

Marka 14:39

Khatvei va pai kikin a masa a nget bangin a ngen hi.