Marka 14:36 - Tedim Bible

³⁶ “Abba, Pa aw, na khempeuh na bawl thei hi. Hih hai kei tawh kipelhsak in; ahih hangin keima deihna bang hi kei hen, nangma deihna bang hi ta hen,” a ci hi.

Tedim Bible Revision 2017

³⁶ “Pa aw, na khempeuh na hih thei hi. Hih ka thuak ding gimna tawh hong kipelhsak in. Ahi zongin keiʼ deihna bang hi loin nangma deihna bang hizaw hen,” a ci hi.

Marka 14:36 Referans Kwoze

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

2 TIMOTI NIHNA 2:13

Eite i muanhuai loh hangin, Ama muanhuaina a kip den hi. Bang hang hiam cih leh, Amah in amah leh amah a kitheihmawh bawl thei kei hi.

Johan 12:27

“Tu-in ka lungmang a, bang ka gen ding hiam! Pa aw, hih hun pan hong gum in ka ci ding hiam? Hi lo hi, hih thu hangin hih hun kong tung zo hi.

Filippi 2:8

Tua bang lim tawh dimin kimu a, Sihna a thuak tham loin, singlamteh tungah a sih dongin, Thumang-in ama pumpi a kiniamsak hi.

Johan 18:11

Tua lai takin Zeisu in Piter kiangah, “Namsau a pai sungah siat kik in. Pa in kei hong piak hai dawn lo ding ka hi hiam?” ci-in a gen hi.

Marka 10:27

Zeisu in amaute enin, “Hih thu mite in ahih zo kei uh hi. Ahih hangin Pasian in ahih theih loh a om kei hi. Bang hang hiam na cih uh leh, Pasian in na khempeuh ahih thei hi,” a ci hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Jeremiah 32:27

“En in, Keimah in Topa ka hi a, mi khempeuhte’ Pasian ka hi hi. Kei adingin a haksa lua bang om ahi hiam?

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Marka 14:37

A nungzuite kiangah a paikik leh, amaute ihmu a, om uh a muh ciangin Piter kiangah “Simon aw, ihmu na hi hiam? Nai khat nangawn kei tawh ngakkhawm zo lo na hi hiam?

Marka 10:39

“Ka hih zo uh hi,” a cih uh ciangin, Zeisu in, “Ka dawn ding hai na dawn takpi ding uh hi. Ka thuak ding baptaizna zong na thuak ding uh hi.