Marka 14:34 - Tedim Bible

³⁴ Amah in, “Si dek takin ka dah hi; hih san takah ngakin na om un,” ci-in thu a pia hi.

Tedim Bible Revision 2017

³⁴ Amah in, “Ka lungsim dahna lian lua mahmah ahih manin ka si dektak hi. Hih lai ah om unla na ngak un,” a ci hi.

Marka 14:34 Referans Kwoze

Johan 12:27

“Tu-in ka lungmang a, bang ka gen ding hiam! Pa aw, hih hun pan hong gum in ka ci ding hiam? Hi lo hi, hih thu hangin hih hun kong tung zo hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Mattiu 26:38

Tua ciangin Zeisu in, “Si dek takin ka dah hi. Hih san takah kei tawh ngak un,” ci-in thu a pia hi.