Marka 14:18 - Tedim Bible

¹⁸ Tu-a an a nek lai takun Zeisu in, “Ke’n aman takpi kong cih-inah, note lakah kei tawh an a ne khawm khat in kei hong lehheek ding hi,” a ci hi.

Tedim Bible Revision 2017

¹⁸ An a nek laitakun Jesu in, “Tu laitakin kei tawh an a nekhawm mi khat in kei hong lehhek ding hi,” a ci hi.

Marka 14:18 Referans Kwoze

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Johan 6:70

Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

Johan 6:47

Vantung pan hong paipa in Pa a mu zo hi. Ke’n aman takpi kong cih-inah, a hong umte in nuntak tawntungna a nei uh hi.

Johan 13:38

Zeisu in, “Kei adingin na nuntakna na paai ding hiam? Ke’n aman takpi kong cih-inah, thumvei na hong nial ma-in aak a khuang kei ding hi,” ci-in a gen kik hi.

Johan 13:21

Tua bangin Zeisu in a gen khit ciangin, a lungmang mahmah a, “Note khat in hong lehheek ding hi,” ci-in a tel gen hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.

Johan 6:26

Zeisu in, “Ke’n aman takpi kong cih-inah, note in nalamdang na muh manun kei hong zong na hi kei uh hi; khomun na ne uh a, na kham uh ciangin hong zong na hi uh hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Johan 1:51

Ke’n aman takpi kong cih-inah, van kihongin Pasian’ vantungmite in Mihing Tapa tungah kahsuk kahto a, om na mu ding hi,” a ci hi.

Luka 11:51

Ahi hi. Ke’n kong cih-inah, tua si tu lai khang mite tungah a kisiik ding hi.

Luka 4:24

Ke’n aman takpi kong cih-inah, kamsang kuamah peuhmah ama gamah mite in a deih kei uh hi.

Marka 14:25

Ke’n aman takpi kong cih-inah, leenggahtui Pasian Gam sungah ka nek thak ni matengin tu-a kipan ka dawn nawn kei ding hi,” a ci hi.

Marka 14:9

Ke’n aman takpi kong cih-inah Lungdamna Thu hilhna leitung khempeuh ah hih numei a kingaihsut nadingin ama hong bawlna thu a kigen ding hi,” a ci hi.

Marka 10:29

Zeisu in, “Ke’n aman takpi kong cih-inah, kei hang ahi zongin, Lungdamna Thu hang ahi zongin a inn, a sanggampa, a sanggamnu, a nu a pa,

Marka 10:15

Ke’n aman takpi kong cih-inah, naupang bangin Pasian Gam a sang lo mi peuhmah in tua gam sungah a lut kei ding uh hi,’ ci-in thu a gen hi.

Marka 9:41

Khazih’ mi na hih manun ah tui hai khatpeuh hong pia mi in, aman takpi kong cih-inah, noptuamna ngah loin a om kei ding hi.”

Marka 9:1

“Ke’n aman takpi kong cih-inah, Pasian Gam in vangliatna tawh hong tung, hih santakah a ding mi kimkhat in a muh matengin a si kei ding uh hi,” a ci hi.

Marka 8:12

Zeisu in a lungsim sungah khuisa a, “Hih khang mite in bang hangin lim a ngen uh hiam? Ke’n aman takpi kong cih-inah, hih khang mite ading lim a kilak kei ding hi,” a ci hi.

Marka 6:11

Mun khat peuhah mite in hong nolh a, na thu uh a ngaih kei uh leh, amau omna pan na paikhiat uh ciangin, amau lang khatah teci pang dingin, na khepeek nuai uh ah leivuite na singkhia un,” ci-in thu a pia hi.

Marka 3:28

“Ke’n aman takpi kong cih-inah mawhna leh Pasian gensiatna khempeuh maisak nading thu mite in a ngah ding uh hi.

Mattiu 26:21

An a nek lai takun Zeisu in, “Ke’n aman takpi kong cih-inah, note lakah khat in kei hong lehheek ding hi,” a ci hi.

Mattiu 6:5

“Thu na nget uh ciangin mi simtatte bangin na hih kei un. Bang hang hiam na cih uh leh, mi muh nadingin a ut manun kikhopna inn sung leh lamka bomah dingin thu a ngen nuam uh hi. Aman takpi kong cih-inah, amau in a phattuamna uh a ngah zo uh hi.

Mattiu 6:2

“Tua ahih ciangin, note in hehpihna na piak uh ciangin mi simtatte in phatna a ngah nop manun, kikhopna inn sung leh lam lai-a a mai-ah peengkul a tumsak uh bangin na hih kei un. Aman takpi kong cih-inah, amau in a phattuamna uh a ngah zo uh hi.

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Johan 21:18

Ke’n aman takpi kong cih-inah, nang na tangval lai-in na kawng gakin, na utna mun khempeuh ah na pai thei hi. Ahih hangin na teek ciangin na khut zan-inah midangte in nang hong hen ding uh a, na ut lohna munah hong paipih ding uh hi,” a ci hi.

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Marka 14:17

Nitak ciangin Zeisu in Sawm-le-nihte tawh hong paikhawm uh hi.

Marka 14:19

A nungzuite a dah uh a, “Kei ka hi hiam?” ci-in khat nungah khat in a dong uh hi.

Luka 22:21

Ahih hangin kei hong lehheekpa’ khut in sabuai tungah keima khut tawh a omkhawm hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Johan 13:22

Kua a cihna hiam ci-in a nungzuite kimuangmawh ciatin, khat leh khat a ki-en uh hi.