Marka 13:8 - Tedim Bible

⁸ Mi namkhat leh namkhat, gamkhat leh gamkhat hong kido ding uh hi. Mun khat khatah ziin hong ling ding hi. Kial zong hong tung ding hi. Tuate in gimna kipat cilna ahi hi.”

Tedim Bible Revision 2017

⁸ Minam khat le minam khat, kumpi khat le kumpi khat kido ding uh hi. Mun tuamtuam ah zin hong liing dinga, kial zong hong tung ding hi. Hihte khempeuh pen gimna kipatna hi pan hi.

Marka 13:8 Referans Kwoze

Mattiu 24:8

Tuate khempeuh in gimna kipat cilna ahi hi.”

Isaiah 37:3

Amaute in ama kiangah, “Hezekiah in, ‘Tu ni pen lungkham ni, tai ngah ni, mindai ni ahi hi; naungeek a suah hun tung napi-in a hingkhia zo lo nupi tawh i kibang hi.

Late 48:6

numei nausuak na a sa bangin amaute liinggawp uh hi.

Mangmuhna 6:4

A san ahi sakol dang khat hong pusuak hi. Tua sakol tung tuang mi in leitung pan nopsakna lakkhiat theihna thu leh leitung mi khat leh khat kithahsak theihna thu a pia hi. Amah namsau saupi khat zong a kipia hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Zekhariah 14:13

Tua ni ciangin Topa in amaute amkhamsak gawp ding a, mite in a gei-a a mat khak mite manin khat leh khat kilaithang gawp ding uh hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Jeremiah 50:43

“Babilon kumpipa in tua thu a za khin zo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 49:24

Damaska khua mite thazaw uh a, taimang dingin a kithawi uh hi. Lungkhamna, dahna leh launa in amau lencip a, nupi nausuak ding bangin a om uh hi.

Jeremiah 25:32

“A vanglian Topa in a cih-inah: En un, gam khat panin gam khatah siatna a paipai hi. Leitung a gamlapen mun panin huihpi hong nung hi!

Jeremiah 22:23

Lebanon gam pan-a kila taamtaak inn sungah nuam takin na teeng uh hi. Ahih hangin gimna hong tun’ ciangin bang zah takin na tau ding uh hiam? Numei nausuak dingte na bang ding uh hi.

Jeremiah 13:21

Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat leh minam khat, khuapi khat leh khuapi khat kido-in amaute kitamkham uh hi.

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Marka 13:7

Galdona thu leh gal kikapna thu na zak uh ciangin lunghimawh kei un. Tuate a piang ding uh hi. Ahih hangin a beina a tung nai kei ding hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.