Marka 13:34 - Tedim Bible

³⁴ Mi khat in gam dangah pai ning, ci-in a inn nusia-in a nasemte kiangah nasep nading ciat thu a piak khit ciangin, kong khakpa kiangah, ‘Na ngak un,’ ci-in a vaikhak mah bangin, na ngak un.

Tedim Bible Revision 2017

³⁴ Mi khat khualzin dingin paikhia a, a dinkhiat ding ciangin amauʼ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Marka 13:34 Referans Kwoze

Johan 10:3

Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Kolose 3:24

Bang hang hiam na cih uh leh, Topa Khazih’ nasem na hih uh ciangin luahna ahi thaman tua Topa’ khut tung pan na ngah ding uh hi ci-in na thei un.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Mattiu 16:19

Vantung Gam kong hon’nate nang kong pia ding hi. Nang in leitungah na hen khempeuh, vantung gamah kihen ding hi. Leitungah na phel khempeuh, vantungah zong a kiphel ding hi,” a cih khit ciangin,

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Kolose 4:1

Tote aw, note in zong vantungah om Topa khat na neih uh na thei un la, thuman thutak leh a kilawm a kituakin na silate uh na bawl un.

ROM (Romans) 13:6

Tua thu hangin phiangsiah na pia uh hi. Bang hang hiam na cih uh leh, amaute in Pasian’ sawltak ahi uh ciangin, tua nasepna a tawntung a sem uh hi.