Marka 13:33 - Tedim Bible

³³ “Tua hun cik ciang hong tung ding thei lo na hih uh ciangin, kikem un la, thu ngenin ngak un.

Tedim Bible Revision 2017

³³ Tua hun ding thei lo na hih manun kikemin pilvang un.

Marka 13:33 Referans Kwoze

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Luka 12:40

Note in zong kigingkhol un. Bang hang hiam na cih uh leh, na ngaihsut loh uh hun lai takin, Mihing Tapa a hong pai ding hi,” a ci hi.

Mangmuhna 16:15

En in, keimah in guta hong pai bangin ka hong tung ding hi! Puan silh loin pai-in mi mai-ah zumna om loh nadingin ngakin, ama puante a keem mi in thupha a ngah ding hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Mangmuhna 3:2

Nang in khanglo in la, a sidek tak a om lai-te hanthawn in. Bang hang hiam na cih leh, nang gamtatna khat beek ka Pasian mai-ah a kicingin ka mu kei hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Marka 13:23

Thu khempeuh kong genkhol zo hi.”

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

ROM (Romans) 13:14

Topa Zeisu Khazih silh un la, na pumpi huaiham na’ng uh note in na ngaihsun kei un.

Kolose 4:2

Thungen tawntung un la, hong hehpihna phatin ngak un.