Marka 13:31 - Tedim Bible

³¹ Van leh lei a mangthang ding uh hi; ahi zongin ka thu a mangthang kei ding hi.”

Tedim Bible Revision 2017

³¹ Vanlelei mangthang dinga, ahi zongin ka thugente mangthang ngei lo ding hi.

Marka 13:31 Referans Kwoze

Isaiah 40:8

Lopa vul a, paak pulh hi; ahih hangin i Pasian’ thu kho tawntung ding hi.

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Luka 21:33

Van leh lei a mangthang ding hi; ka thu ahih leh, a mangthang ngei kei ding hi.”

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Late 19:7

Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

2 TIMOTI NIHNA 2:13

Eite i muanhuai loh hangin, Ama muanhuaina a kip den hi. Bang hang hiam cih leh, Amah in amah leh amah a kitheihmawh bawl thei kei hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Marka 13:30

Ke’n aman takpi kong cih-inah, hih khang mite a beima-in, hih thu khempeuh hong piang ding hi.

Marka 13:32

“Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.”

2 KUMPI NIHNATE 15:12

(Hih in Topa’ thuciamna, Jehu tungah a piak, “Na suante khang lina dongin Israel kumpi tokhom tungah tu ding hi,” a cih ahi hi. Tua ahih ciangin tua bangin a piang hi.)