Marka 13:27 - Tedim Bible

²⁷ Tua lai takin amah in a vantungmite sawlin, amaute in a teelsa mite lei kiu li pan, lei mong khat pan van mong khat dongin a kikhawmsak ding uh hi.”

Tedim Bible Revision 2017

²⁷ Tua ciangin leitung mun khempeuh ah vantung mite sawl dinga, leimong khat pan mong khat kikalah a om a teel mite khempeuh a kaikhawmsak ding hi.

Marka 13:27 Referans Kwoze

Zekhariah 2:6

Topa in ama mite kiangah, “Mun khempeuhah note kong thehthang khin hi. “Hong pai un! Hong pai un! Saklam gam panin taikhia un.”

Mattiu 24:31

Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Thu-hilhkikna 30:4

A kihawlkhia na mite uh vanmong pekah a om leh zong, Topa na Pasian un tua lai panin note hong khawmin, tua lai panin amah in hong paipih kik ding hi;

2 THESALONIKA NIHNA 2:1

Ute naute aw, i Topa Zeisu Khazih hong paina leh eite in ama kiangah i kikhopna thu panin,

Luka 16:22

Tua nung ciangin mizawngpa si a, vantungmite in Abraham’ ang ah a pua uh hi.

Marka 13:20

Topa in tua nite a tomsak kei leh, kuamah in suakta zo lo ding hi. Ahih hangin, a teelsate adingin a tomsak ding hi.

Mattiu 13:41

Mihing Tapa in ama vantungmite sawl ding a, a khialte leh a puksakte khempeuh a Gam sung pan nilkhia-in,

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.

2 TIMOTI NIHNA 2:10

Tua ahih ciangin a kiteel mite in zong a tawntung minthan’na tawh Khazih Zeisu sungah gupna a ngah nadingun na khempeuh ka thuak hi.

Kolose 3:12

Tua ahih ciangin note in Pasian’ teel mi, a siangtho mi, a it mite bangin hehpihna, thupha bawlna, sin kiniamsakna, lungneemna, heh baih lohna lungsimte na silh un.

ROM (Romans) 8:33

Pasian’ teelsate kua in a mawhsak ding hiam? A diksakpa in Pasian ahi hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Marka 13:22

Bang hang hiam na cih uh leh, kamsang zuautheite leh Khazih zuautheite hong piang ding uh a, a teelsate nangawn a kheem zawh leh, a kheem nadingun lim leh nalamdang a lian hong lak ding uh hi. Na kikeem ta un.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 24:22

Tua nite a kitomsak kei leh kuamah suakta zo lo ding hi. Ahih hangin a teelsate adingin a kitomsak ding hi.

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Mattiu 12:42

Khang lam gam kumpinu in, a thukhen ciangin, tu-a khang mite lang khatah ding-in a mawhsak ding hi. Bang hang hiam na cih uh leh, amah in Solomon’ lungpilna thu ngai dingin, lei mong panin a pai hi. Hih lai takah Solomon sangin a lianzaw mi khat a om hi.”

Isaiah 65:9

Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Marka 13:28

“Theikung kiangah thugentehna na sin un. Theikung a hiang meeng a, a teh a no ciangin khuakhal a nai zo ta hi ci-in na thei uh hi.