Marka 13:19 - Tedim Bible

¹⁹ Bang hang hiam na cih uh leh, Pasian’ bawlsa leitung pian’cil a kipan tudongin a piang nawn lo ding gimna lianpi tua lai takin a piang ding hi.

Tedim Bible Revision 2017

¹⁹ Bang hang hiam cih leh Pasian in leitung a piansak cil a kipanin tu hun dong, cikmahin tua bang haksatna a omngei lo, nidang ciangin zong a omngei nawn lo ding, tua hun laitakin hong tung ding hi.

Marka 13:19 Referans Kwoze

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

Mattiu 24:21

Bang hang hiam na cih uh leh, lei a pian’cil pan akipan tudongin a piang ngei lo, a nung ciang a piang nawn lo ding gimna lianpi tua lai takin a piang ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Marka 10:6

Ahih hangin a kipat cil panin pasal leh numei a piangsak hi.

Daniel 9:12

Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

Thu-hilhkikna 28:59

Topa in note leh na suan na khakte uh tungah nasia-in sau vei a om gimna, gimna a tuandiak, leh a nasia, nat saute hong tungsak ding hi.

Thu-hilhkikna 4:32

“Pasian in leitungah mi a pian’sak ni-a kipan, no pian’ ma-a hun beisa thu tu-in kan un la, van mong khat pan mong khat kikal thu zong kan un, hih bang na lian piang ngei-in a kiza ngei peuhmah hiam?

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Marka 13:18

Tua hun in phalbi laitak a, hong tun’ loh nadingin thu na ngen un,

Marka 13:20

Topa in tua nite a tomsak kei leh, kuamah in suakta zo lo ding hi. Ahih hangin, a teelsate adingin a tomsak ding hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.