Marka 13:13 - Tedim Bible

¹³ Keima min hangin mi khempeuh in note hong mudah ding uh hi. A tawp dongin a thuak zote in gupna a ngah ding uh hi.”

Tedim Bible Revision 2017

¹³ Keima hangin Gentail mi khempeuh in note hong mudah ding uh a, ahi zongin a sih dongun a thuak zote in hotkhiatna a ngah ding uh hi.

Marka 13:13 Referans Kwoze

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 24:13

A bei dongin a kipte in gupna a ngah ding uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Daniel 12:12

Ni tulkhat leh zathum leh sawmthum leh nga dong muan’ huai taka a ngak zo kenkante in thupha a ngah ding uh hi.

Hebru 10:39

Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Johan 17:14

Amaute kiangah nangma thu ka pia zo hi. Keimah in leitung tawh ka kipawl loh bangin, amaute zong leitung tawh kipawl lo ahih uh ciangin, leitung mite in amaute a mudah uh hi.

Luka 21:17

Keima min hangin mi khempeuh in note hong mudah ding uh hi.

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

1 JOHAN MASA 3:13

Ute naute aw, leitungmite in note hong muhdah uh leh, lamdangsa kei un.

Marka 13:12

Unau khat leh khat sih nadingin a kiheek ding uh a, pa in zong a ta a lehheek ding hi. Tate in a nu leh a pate galin a do ding uh a, thah dingin a lehheek ding uh hi.