Marka 12:44 - Tedim Bible

⁴⁴ Bang hang hiam na cih uh leh, amaute in a sum val lak pan a khia uh hi. Tua numei ahih leh, a zawng napi-in ama kivak nading nangawn sit loin a khia zo hi,” ci-in a gen hi.

Tedim Bible Revision 2017

⁴⁴ Bang hang hiam cih leh a dangte in a neih val a lam val sung panun a khia uh ahi hi; ahi zongin amah zawng mahmah napi-in ama kivak nading nangawn siit loin a neih khempeuh a khia khin ahi hi,” a ci hi.

Marka 12:44 Referans Kwoze

1 JOHAN MASA 3:17

Mi khat in leitung sumte nei-in a u a nau a zawngte a muh hangin hehpihna lungsim a neih kei leh, tua mi sungah Pasian itna bang ci om ahi hiam?

Marka 14:8

Hih numei in ahih zawh zahin a hih zo hi. Keima luang vui nadingin ka pumpi paknamtui tawh a hong nilhkhol zo hi.

Thu-hilhkikna 24:6

“Kuamah in an gawina ahi a, an gawina suangpeek a tungnung ahi zongin khapna-in la lo ding hi; bang hang hiam cih leh khapna-in nuntakna a la hi ding hi.

Luka 15:30

Ahih hangin numei gilote tawh kikhawla na sum na pai a mangsak, na tapa hong tun’ ciangin ama ading bawngno thau na gawhsak hi,’ a ci hi.

Luka 15:12

A taneu in a pa kiangah va pai a, ‘Pa aw, ka ngah dinga kilawm luahna sum hong pia in,’ ci-in a ngen hi. A pa in a tate tungah a sum hawmsak hi.

Luka 8:43

Tua lai takin, kum sawm leh kum nih tawntung si luang cinatna vei a, a neihsa tengin zatote a guaih hangin kuamah in a damsak zawh loh numei khat in,

Marka 12:43

Zeisu in a nungzuite sam a, “Ke’n aman takpi kong cih-inah, sumkholna sungah a khia mi khempeuh lak panin tua a zawng meigong in tam a khia bel hi.