Marka 12:33 - Tedim Bible

³³ Tua Pasian lungsim khempeuh tawh it a, ama pumpi a it bangin a lawmte zong a it ding in, a pum mei a khul biakna leh sagawh biakna sangin a pha zaw hi,” ci-in a gen hi.

Tedim Bible Revision 2017

³³ Mite in a lungsim khempeuh, a pilna khempeuh le a hatna khempeuh uh tawh Pasian itin, amau pumpi a it bangin a veengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupi zaw takpi hi,” a ci hi.

Marka 12:33 Referans Kwoze

Hosea 6:6

Gan tawh nong biakna uh sangin a kip a kho nong itna uh ka deih zaw hi. Meihal biakna sangin kei nong theih ding uh ka deih zaw hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Mattiu 12:7

‘Sagawh biakna sangin, hehpihna ka deih zaw hi,’ a cihna thu na theih uh leh, mawh neilo mite na mawhsak kei ding uh hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Late 50:23

Biakpiak nadingin lungdam piakna hong paipih mi in kei hong pahtawi ahi hi; Ka thu a mang mite khempeuh ka honkhia ding hi,”

Hebru 10:8

Thukham bang bawlnate pan Khazih in, “Biaknate, piaknate, pumpi mei tawh kihal biaknate, mawh maisakna biaknate, nang in na deih kei, na lungkim kei hi,” ci-in a masa-in a cih khit ciangin,

Paunak 21:3

Topa in biakpiakna sangin, thuman thutang deihzaw hi.

Thu-hilhkikna 6:5

Topa note’ Pasian, na lungsim khempeuh, na nuntakna khempeuh uh leh na thahatna khempeuh uh tawh na it ding uh hi.