Marka 12:3 - Tedim Bible

³ Tua lo khawhlawhte in a nasempa man uh a, a sat khit uh ciangin khut guak tawh a ciahsak uh hi.

Tedim Bible Revision 2017

³ Lo khawhlawhte in tua a nasem pa manin sat gawp uh a, a guak ciahsakkik uh hi.

Marka 12:3 Referans Kwoze

1 THESALONIKA MASA 2:15

Tua Judah mite in, Topa Zeisu akipan kamsangte a that zo uh hi. Kote zong hong hawlkhia uh a, Pasian lungsim tawh kituak loin mi khempeuh tawh zong kilem lo uh hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Jeremiah 29:26

‘Topa in siampi Jehoiada taangin nangmah siampi-in hong koih khin zo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk kamsang bang a, a gamta mihaite thongkia sakin kol na bulh ding hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Jeremiah 44:16

“Topa’ min a, nong gen thute kong mang kei ding uh hi.

Jeremiah 20:2

Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

1 KUMPI MASATE 19:14

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 18:13

Jezebel in Topa’ kamsangte a thah lai-in Topa’ kamsangte mi zakhat, sawmnga sawmnga-in leihawm sungah seelin, amaute an leh tui tawh ka vaakna thu ka topa tungah hong kigen nai lo ahi hiam?

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Marka 12:2

Anlak hun a tun’ ciangin lo khawhlawhte’ khut tung panin a gah ngah dingin lo neipa in nasempa khat a sawl hi.

Marka 12:4

Khatvei nasem a dang khat sawl kik a, tua pa’ lutang a liamsak khit uh ciangin a zahhuaisak uh hi.