Marka 12:27 - Tedim Bible

²⁷ Pasian in a site’ Pasian hi loin a nungtate’ Pasian ahi hi. Nakpi-in na khial uh hi,” a ci hi.

Tedim Bible Revision 2017

²⁷ Tua bang a cih ciangin Pasian pen misiteʼ Pasian hi loin mihingteʼ Pasian hi, a ci nuam ahi hi. Tua ahih manin na ngaihsun khial mahmah uh hi,” ci-in a dawng hi.

Marka 12:27 Referans Kwoze

ROM (Romans) 14:9

Khazih in misite leh mi nungtate’ Topa a suah nadingin sihna thuak a, a sih khit ciangin a hing kik hi.

ROM (Romans) 4:17

“Ke’n nangmah mipawl tampite’ pa ka hong suaksak zo hi,” ci-in Lai Siangtho sungah a kigelh mah bangin a site thosak a, a piang nai lote a piangsa bangin a ciamtehpa Pasian ahi, amah in a up Pasian mai-ah Abraham in eite khempeuh’ pa ahi hi.

Marka 12:24

Zeisu in zong, “Note in Lai Siangtho ahi zongin, Pasian’ vangliatna ahi zongin thei lo na hih uh ciangin, um khial hilo na hi uh hiam?

Hebru 3:10

Tua ahih ciangin hih khangmite Ka deih kei a, ‘Amaute lungsim sung uhah a khial tawntung uh hi; Keima hih ngeinate a thei kei uh hi,’ ka ci hi.

Paunak 19:27

Thuhilhna a mang nuam lo tapa in, pilna a thei kha lo ding tapa ahi hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Mattiu 22:32

‘Kei in Abraham’ Pasian, Isaak’ Pasian, Jakob’ Pasian ka hi hi,’ a cihna thu note in sim ngeilo na hi uh hiam? Pasian in a site’ Pasian hi lo, a nungtate’ Pasian ahi hi,” a ci hi.

Luka 20:38

Pasian in a site’ Pasian hi loin, a nungtate’ Pasian ahi hi. Bang hang hiam na cih uh leh, mi khempeuhte in Pasian ading a nungta uh hi,” a ci hi.