Marka 12:24 - Tedim Bible

²⁴ Zeisu in zong, “Note in Lai Siangtho ahi zongin, Pasian’ vangliatna ahi zongin thei lo na hih uh ciangin, um khial hilo na hi uh hiam?

Tedim Bible Revision 2017

²⁴ Jesu in, “Na khial mahmah uh hi. Lai Siangtho ahi a, Pasianʼ vangliatna ahi zongin na theih lohna hang uh ahi hi.

Marka 12:24 Referans Kwoze

Johan 20:9

Bang hang hiam i cih leh, Zeisu in sihna pan thokik ding a cihna Lai Siangtho sungah a om thu a thei nai kei uh hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Efesa 1:19

eite tungah hong bawlpha a lian mahmah vangliatna bangzaha lian ahi zongin note in na theih nadingun, na pilna mittang uh a vak nadingin thu ka ngen hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Marka 10:27

Zeisu in amaute enin, “Hih thu mite in ahih zo kei uh hi. Ahih hangin Pasian in ahih theih loh a om kei hi. Bang hang hiam na cih uh leh, Pasian in na khempeuh ahih thei hi,” a ci hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Luka 1:37

Bang hang hiam na cih leh, Pasian in sep theih loh a nei kei hi,” a ci hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Hosea 6:6

Gan tawh nong biakna uh sangin a kip a kho nong itna uh ka deih zaw hi. Meihal biakna sangin kei nong theih ding uh ka deih zaw hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Piancilna 18:14

Na khatpeuh peuh Topa’ adingin haksa lua ahi hiam? A kisehsa kumkik ciangin nang' kiangah kong pai kik ding a, Sarah in tapa khat nei ding hi,” ci hi.

Hosea 8:12

Amaute hilh nading sim zawhloh thukham tampi gelh ta leng zong, amaute in don loin thu lamdangpi khatin ngaihsun lel uh hi.

Marka 12:23

Thawhkik ni ciangin tua numei in tuate lakah kua pen’ zi ahi ding hiam? Bang hang hiam na cih leh, sagihte in tua numei tawh a kiteeng zo hi,” ci-in a dong uh hi.

Marka 12:25

Bang hang hiam na cih uh leh, sihna pan a thawhkik uh ciangin kipi-in a kiteengsak kei ding uh hi. Amaute in vantungmite tawh kibangin a om ding uh hi.