Marka 12:2 - Tedim Bible

² Anlak hun a tun’ ciangin lo khawhlawhte’ khut tung panin a gah ngah dingin lo neipa in nasempa khat a sawl hi.

Tedim Bible Revision 2017

² Leenggah lawh hun a tun ciangin ama ngah ding taang teng a la dingin lo khawhlawhte kiangah a nasemte khat a paisak hi.

Marka 12:2 Referans Kwoze

Hebru 1:1

Pasian in tang lai-a kamsangte tungah, i pute pate kiangah atuam atuamin thu a piak kikkik khit ciangin, a nunung bel hih nite-ah ama Tapa tungah eite thu hong pia zo hi. Tua a Tapa na khempeuh luah dingin a koih zo hi; ama tungah zong leitung a piangsak hi.

Luka 20:10

A hun a cin ciangin lo khawhlawhte in leenggah a piak nadingin ama nasemte khat a sawl hi. Tua lo khawhlawhte in a nasempa satin khut guak tawh a ciahsak uh hi.

Luka 12:48

A topa’ deihna thei lo a, sat nading a kilawm a gamta nasempa in tawmno satna a thuak ding hi. Hehpihna tampi a ngahte tung panin tampi kingen ding hi. Amaute in mi khatpeuh mah tampi a piak leh, tua mi kiang pan na tampi a ngen kik ding uh hi.”

Mattiu 21:34

A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Micah 7:1

Kei a kamsia hi’ng! Singgah leh leenggah a heu laitak, a gilkial mipa tawh ka kibang hi. Leenggah nek ding om nawn lo a, ka lunggulh theigah beita hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

Marka 12:1

Tua lai takin Zeisu in thugentehna tawh thu a hilh-inah, “Mi khat in lo lai-ah leenggah kungte suan a, gawlin uum a, leenggah cil nading to a, tausang buk khat a lam khit ciangin, lo khote khawhlawhsakin gamdangah a pai hi.

Marka 12:3

Tua lo khawhlawhte in a nasempa man uh a, a sat khit uh ciangin khut guak tawh a ciahsak uh hi.