Marka 12:17 - Tedim Bible

¹⁷ Zeisu in, “Kaisar kumpipa’ sum, Kaisar kumpipa na pia un. Pasian’ sum, Pasian na pia un,” a ci hi. Amaute in amah lamdang a sa uh hi.

Tedim Bible Revision 2017

¹⁷ Tua ciangin Jesu in, “Tua ahihleh, Sisarʼ neihsate Sisarʼ tungah pia unla, Pasianʼ neihsate Pasianʼ tungah pia un,” a ci hi. Tua ama thudawnna hangin lamdang a sa mahmah uh hi.

Marka 12:17 Referans Kwoze

ROM (Romans) 13:7

Mi khempeuh ngah ding a kilawm bangin na pia un. Phiangsiah ngah ding a kilawmte phiangsiah na pia un. Kihtak ding a kilawmte na kihta un. Zahtak ding a kilawmte na zahtak ta un.

1 PETER MASA 2:17

Mikhempeuh zahtak un. Ute naute na it un. Pasian na kihta un. Kumpipa na zahtak un.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

Paunak 24:21

Ka ta aw, Topa leh kumpipa zahtak khawm in la, amau a langpangte tawh kipawl kha kei in.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

Mattiu 22:46

kuamah in kamkhat beek dawng kik thei lo a, tua ni a kipanin kuamah in thu a dong ngam kei uh hi.

Mattiu 22:22

Amaute in tua thu a zak uh ciangin lamdangsa-in a kiang pan a paikhia uh hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Marka 12:30

Na Topa Pasian na lungsim khempeuh, na kha khempeuh, na pilna khempeuh, na hatna khempeuh tawh na it in.

Mattiu 22:33

Mihonte in tua thu a zak uh ciangin a thuhilhna lamdang a sa uh hi.

Paunak 23:26

Ka ta aw, na lungtang kei hong pia in la, ka gamtatnate na mit-in en gige in.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Mattiu 22:21

“Kaisar kumpipa lim leh min hi,” a ci uh hi. Tua ciangin Zeisu in, “Kaisar kumpipa’ sum Kaisar kumpipa na pia un. Pasian’ sum Pasian na pia un,” a ci hi.

Marka 12:16

A hong paipih uh ciangin Zeisu in, “Hih in kua lim, kua min ahi hiam?” ci-a a dot ciangin, “Kaisar kumpipa’ lim leh min hi,” a ci uh hi.

Luka 20:25

Zeisu in, “Tua ahih leh Kaisar kumpipa’ sum Kaisar kumpipa na pia un; Pasian’ sum Pasian na pia un,’ a ci hi.