Marka 11:4 - Tedim Bible

⁴ Amaute pai uh a, lampi ah inn kongkhak mai-ah lano khat kikhihsa a muh uh ciangin a khau a sut uh hi.

Tedim Bible Revision 2017

⁴ Amau tegel zong pai pah uh a, kongzing a kong gei khat ah la no a kikhih khat mu uh ahih manin a khau a sut pah uh hi.

Marka 11:4 Referans Kwoze

Hebru 11:8

Abraham in a luah nading a cih gamah a paikhiat nading Pasian in a sap ciangin amah in koi lamah pai ding cih thei lo napi-in, upna tawh thungai-in a paikhia hi.

Johan 2:5

A nu in nasemte kiangah, “Ama hong sawl khempeuh na hih un,” ci-in a gen hi.

Mattiu 26:19

A nungzuite in Zeisu cih mah bangin ahih uh a, Paisan pawi nek nading a bawl khol uh hi.

Mattiu 21:2

“Na mai-uh ah a om khua-ah pai un. Tua khua-ah khau khihsa a om, la nuta thakhatin na mu ding uh hi. La khau sut un la, ka kiangah hong paipih ta un.

Marka 11:3

Mi khatpeuh in, ‘Bang hangin hih bangin hih na hi uh hiam?” hong cih leh,‘Topa in a deih hi,’ ci le uhteh amau in thakhatin hong khah ding hi,” ci-in a vaikhak hi.

Marka 11:5

Tua san takah a ding kimkhatte in, “Bang hangin la khau sut na hi uh hiam?” a cih uh ciangin,