Marka 11:13 - Tedim Bible

¹³ Teh a nei theikung a gamla pan mu a, tua kung tungah gah a mu kha ding hi, ci-in va pai a, a tun’ ciangin a teh longal bangmah a mu kei hi. Bang hang hiam i cih leh, a gah hun ahi kei hi.

Tedim Bible Revision 2017

¹³ A teh a no theikung khat gal muh ahih manin a gah khak leh ci-in a lo dingin a va pai hi. Thei min hun hi lo ahih manin, a phung a tun ciangin a teh sim loh bangmah na om lo hi.

Marka 11:13 Referans Kwoze

Mattiu 21:19

Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Luka 10:31

Tua lampi ah siampi khat paikha zenzen a, tua pa a muh ciangin peelin a nusia hi.

1 SAMUEL MASA 6:9

Tua ciangin en un; ama gam Bethshemesh paina lampi-ah a paitoh leh hih siatna lianpi hong bawlpa in amah hi ding hi; ahih hangin a paitoh kei leh eite hong vat gawppa in amah hi lo hi; eite tungah a piang mawk hi, ci-in i thei ding hi,” a ci uh hi.

Ruth 2:3

Tua ahih ciangin amah kuan khia-in pai a, an late’ nung lo sungah ansanghte tawm hi; Elimelekte innkuan Boaz’ lo-ah va pai kha hi.

Isaiah 5:2

Amah in lei to-in suangte paikhia a, leenggui hoihte a suan hi; amah in a laizangah tausang khat lam a, tua sungah leenggah sukna khuk khat a to hi; amah in leenggah hoih hong gah ding lamen a, ahih hangin gam leenggah hong gah mawk hi.

Marka 11:12

Zing ciangin Bethani khua pan a paikhiat lai takin Zeisu a gilkial hi.

Marka 11:14

Zeisu in, “Tu-a kipanin na gah kuamah in ne kik nawn kei ta hen,” a ci hi. A nungzuite in zong hih thu a za uh hi.