Marka 10:52 - Tedim Bible

⁵² Zeisu in, “Pai in, na upna in hong damsak zo hi,” a ci hi. Amah in thakhatin khua mu thei a, lampi ah Zeisu nung a zui hi.

Tedim Bible Revision 2017

⁵² Tua ciangin Jesu in, “Na ciah thei ta ding hi; na upna in nang hong damsak zo hi,” a cih khit phetin amah in khua mukik thei pah a, tua a paina lampi ah Jesuʼ nung a zui hi.

Marka 10:52 Referans Kwoze

Mattiu 9:22

Zeisu kihei a, tua numei a muh ciangin, “Ka tanu aw, na lunghimawh kei in. Na upna in nang hong damsak zo hi,” a cih ciangin, thakhatin a dam pah hi.

Luka 7:50

Zeisu in,”Na upna in nang hong gum zo hi. Nuam in la, pai in,” ci-in numei thu a pia hi.

Marka 8:25

Tua lai takin Zeisu in a khut khatvei a mittang ah nga kik a, tua pa in tel takpi a et kik ciangin dam a, na khempeuh tel takin a mu thei hi.

Marka 5:34

Zeisu in, “Ka tanu aw, na upna in nang hong damsak zo hi. Nuam takin na ciah in, na cidam ta in,” a ci hi.

Johan 9:32

Lei piancil akipanin kuamah in suahpih mittaw khua a musak kik hi ci-in a kiza ngei kei hi.

Mattiu 15:28

Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Marka 1:31

Zeisu in va nai a, tua numei khut len a, a phot leh, a nattun’ dam a, zinte a vak hi.

Mattiu 21:14

Tua khit ciangin, mittawte leh khe-baite, biakna innpi sungah Topa kiangah a pai uh ciangin amaute a damsak hi.

Mattiu 12:22

Tua ciangin dawi lut a, mittaw, a pauthei lo mi khat Zeisu kiangah a paipih uh a, a damsak ciangin, tua pa in khua mu thei a, a pau thei pah hi.

Johan 9:39

Zeisu in, “Khua mu thei lote a muh nading ahi zongin, khua mu theite in mittawt nading ahi zongin thu khen dingin leitungah kong pai hi,” a ci hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi;

Late 146:8

Topa in mittawte, khua musak hi. Topa in, niamsakna a thuak mite sangto sak a, Topa in thuman mite a it hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Mattiu 8:3

Zeisu in a khut zanin lawng a, “Ka hih nuam hi, na dam ta in,” a cih leh, thakhatin a dam pah hi.