Marka 10:48 - Tedim Bible

⁴⁸ Mihonpite in a daih nadingin a taai uh hangin, “David’ Tapa aw, kei hong hehpih in,” ci-in a kiko sawnsawn hi.

Tedim Bible Revision 2017

⁴⁸ A kiim a om mihonte in amah taii-in, a pau loh nadingin a kham uh hi. Ahi zongin amah nakpi takin awng zaw semsem a, “Davidʼ suan aw, kei hong hehpih in,” a ci hi.

Marka 10:48 Referans Kwoze

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Luka 18:39

A mai-a a pai mite in tua pa a tawp nadingin a taai uh hangin, “David’ Tapa aw, kei hong hehpih in,” ci-in a kiko sawnsawn hi.

Marka 5:35

Zeisu in tua thu a gen lai takin, kikhopna ukpa’ inn panin mite hong pai uh a, “Na tanu a si zo hi. Siapa bang dingin na gimsak lai ding hiam?” ci-in a ko uh hi.

Mattiu 20:31

Mihonpite in a tawp nadingun tuate a taai uh hangin, “David’ Tapa aw, kote hong hehpih in,” ci-in a kiko sawnsawn uh hi.

Mattiu 19:13

Tua ciangin naupangte tungah a khut nga a, thu a ngetsak nading deihin, Zeisu kiangah paipih uh a, a nungzuite in a kham uh hi.

Jeremiah 29:13

Note in kei nong zong ding uh a, na lungsim khempeuh uh tawh nong zon’ uh ciangin nong mu ding uh hi.

Late 62:12

Topa aw, itna kip in nangma aa hi. Bang hang hiam cih leh mite ama sepna bangin na thukkik hi.

Efesa 6:18

Thungetna pawlpawlte, thuumna pawlpawlte, Kha Siangtho tawh a tawntungin thu na ngen un. Tua bang thunget nading thakiam loin, misiangtho khempeuh ading thu nget sakin om un.

Mattiu 9:27

Zeisu tua mun panin a paikhiat ciangin, mittaw nih in a nung zui uh a, “David’ Tapa aw, ko hong hehpih in,” ci-in a kiko uh hi.

Marka 10:13

Tua lai takin naupangte a lawn’ nading deihin Zeisu kiangah hong paipih uh a, a nungzuite in a kham uh hi.