Marka 10:45 - Tedim Bible

⁴⁵ Bang hang hiam na cih uh leh, Mihing Tapa in midangte na semsak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin hong pai ahi hi,” a ci hi.

Tedim Bible Revision 2017

⁴⁵ Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangteʼ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Marka 10:45 Referans Kwoze

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Johan 13:14

Tua ciangin keimah in note Topa leh Sia ka hi napi-in na khe uh kong silsak leh, note in zong khat leh khat’ khe na kisilsak ding uh hi.

Johan 10:15

ka tuute ka thei a; ka tuute in zong kei hong thei uh hi. Keimah in zong tuute tangdingin ka nuntakna ka paai hi.

Hebru 5:8

Ta taktak ahi napi-in gimna tawlna a thuakna tawh thuman’na a sin hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Marka 10:44

Note lakah makai a suak nuamte in note sila suak uh hen.