Marka 10:24 - Tedim Bible

²⁴ A nungzuite in ama thu lamdang a sa uh hi. Khatvei Zeisu in, “Ka tate aw, sum leh pai a suangte in Pasian Gam sungah a tum nading bangzah tak a haksa hiam?

Tedim Bible Revision 2017

²⁴ Nungzuite in hih thu a zak uh ciangin lamdang sa uh a, ahi zongin Jesu in a thugen zomlai-in, “Tate aw, Pasianʼ Ukna sungah lut ding bangzah takin haksa ahi hiam?

Marka 10:24 Referans Kwoze

Paunak 11:28

Tuk lai-a singteh tam bangin midikte’ hauhna khang ding a, phabi lai-a singteh pulh bangin hauhna suangte kiam ding hi.

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Late 52:7

“Pasian a beel lo, ama hauhnate a muang, ama hauhna a beelpa en un!” ci ding hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Paunak 18:11

Khuapi kim-a kulhpi in amah a hut bangin, a hauhna in amah a hu dingin mihaupa in ngaihsun kha hi.

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

1 JOHAN MASA 2:1

Ka ta neute aw, note in na mawh loh nadingun hih thute lai sungah kong gelh hi. Mi khat peuhmah in a mawh leh, midik Zeisu Khazih ahi, eite hong huhpa Pasian kiangah i nei hi.

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

Habakkuk 2:9

Mi’ van na suhna uh tawh na mite uh hausakin, lauhuaina leh siatna a ngah loh nadingin na inn uh bawl na hih manun, gimna na ngah ding uh hi.

Jeremiah 9:23

Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

1 JOHAN MASA 5:21

Ka ta neute aw, milimte na tang un.

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

Galati 4:19

Khazih in note sungah kip-a, a om matengin note ading ta suak gimna ka thuak ka ta neute aw,

Johan 21:5

Tua lai takin Zeisu in, “Ka taneute aw, ngasa na man uh hiam?” ci-in a dot ciangin, “Ka man het kei uh hi,” ci-in a dawng kik uh hi.

Johan 6:60

Tua ahih ciangin, ama nungzui tampite in hih thu a zak uh ciangin, “Hih thu a haksa mahmah hi, kua in theitel zo ding ahi hiam?” a ci uh hi.

Mattiu 19:25

A nungzuite in tua thu a zak uh ciangin, lamdang mahmah a sa uh hi. “Tua bang ahih leh, kua in gupna ngah zo ding hiam?” a ci uh hi.

Marka 1:27

Mi khempeuhte in lamdang a sa uh a, “Hih thu in bang thu ahi hiam? Thuhilhna thak ahi hiam? Uk neihna tawh kihhuai dawite thu a piak ciangin amau in a thu a mang uh hi,” ci-in khat leh khat a kikum uh hi.

Marka 10:23

Zeisu in a kimkot en a, “Sum tam a neite adingin Pasian Gam sung lut nading a haksa mahmah hi,” ci-in a nungzuite kiangah a gen hi.