Marka 10:18 - Tedim Bible

¹⁸ Zeisu in, “Bang hangin kei mipha hong ci na hi hiam? Pasian sim loh mipha khat beek a om kei hi.

Tedim Bible Revision 2017

¹⁸ Jesu in, “Bang hangin kei midik hong ci na hi hiam? Pasian sim loh kuamah a dik tat zo om lo hi.

Marka 10:18 Referans Kwoze

Luka 18:19

Zeisu in, “Bang hangin kei mipha hong ci na hi hiam? Pasian sim loh mipha khat beek a om kei hi.

Mattiu 19:17

Zeisu in, “Bang hangin kei kiangah phatna thu hong dong na hi hiam? Mipha khat bek a om hi. Ahih hangin nuntakna sungah na tum nop leh, thukhamte na tang in,” a ci hi.

1 JOHAN MASA 4:16

Pasian in eite hong itna thu eite in thei-in i um zo hi. Pasian in itna ahi hi. Itna sungah a om mi in Pasian sungah a om hi. Pasian in zong tua mi sungah a om hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

ROM (Romans) 3:12

Amau khempeuh in lam a pial zo uh hi, A vekpi-un a kiman’na om lo hi. A hoih a, gamta a om kei hi, Khat nangawn a om kei hi.

1 JOHAN MASA 4:8

A it thei lo mi in Pasian a thei kei hi. Bang hang hiam na cih uh leh, Pasian in itna ahi hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Late 119:68

Nangmah na hoih a, a hoih nate na sem hi; na ngeina kipte kei hong hilh in.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 145:9

Topa pen mi khempeuh tungah hoih a, ama bawlsate khempeuh tungah ama hehpihna om hi.

Marka 10:17

Lampi-ah a pai lai takin mi khat Zeisu kiangah va tai a, khukdin’in, “Sia pha aw, nuntak tawntungna ka luah nadingin bang ka gamta ding hiam?” ci-in a dong hi.

Marka 10:19

Thukhamte na thei hi. Mi na that kei in. Mi’ zi tawh na mawh kei in. Mi’ sum na gu kei in. Ahi lo teci na pang kei in. A kilawm loin mi’ sum na laksak kei in. Na nu leh na pa na zahtak in,” a ci hi.