Marka 10:14 - Tedim Bible

¹⁴ Zeisu in a muh ciangin heh a, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Pasian Gam in tua bangte gam ahi hi.

Tedim Bible Revision 2017

¹⁴ Jesu in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasianʼ Ukna sungah hih bang mite a om ahi hi.

Marka 10:14 Referans Kwoze

Mattiu 19:14

Zeisu in, “Naupangte omsak ta un. Ka kiangah hong pai ding uh kham kei un. Bang hang hiam na cih uh leh, Vantung Gam in tua bangte gam ahi hi,” a ci hi.

Mattiu 18:10

“Note in hih naupangte khatpeuh mah na simmawh loh nadingun na kikeem un.

Mattiu 18:4

Tua ahih ciangin, naupang mah bangin lungsim a kiniamsakte in, Vantung Gam sungah a lianbel ahi ding hi.

Mangmuhna 14:5

Amaute’ kam sung uhah zuau thu a om kei hi. Amaute in mawhsak nading a om lo mi ahi uh hi.

Efesa 4:26

Hehna tawh khialhna om sak kei un. Na hehna uh dam loin ni na tum sak kei un.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

1 KORIN MASA 7:14

Bang hang hiam na cih uh leh, thu-um lo pasal in a zi hangin a siangtho hi. Thu-um lo zi in a unau hangin a siangtho hi. Ahih kei leh, na tate uh a siangtho kei ding uh hi. Tu-in ahih leh, a siangtho uh hi.

ROM (Romans) 11:28

Amaute in Lungdamna Thu pan note hangin galte ahi uh hi. Teelkhiatna thu panin pute pate hangin a ki-it mi ahi uh hi.

ROM (Romans) 11:16

A kipia masa buhneel a sian’tho leh, a lompi in a siangtho ding hi. A zung a sian’tho leh, a hiangte zong a siangtho ding uh hi.

Sawltak 3:25

Note in kamsangte’ suante na hi uh hi. Pasian in Abraham kiangah, ‘Nang na suante hangin leitung mipawl khempeuh in thupha a ngah ding uh hi,’ ci-in na pute na pate uh tawh kiciamna a bawlpihte’ suante zong na hi uh hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Marka 8:33

Zeisu kihei a, a nungzuite a muh ciangin, “Satan aw, ka nungah kinkhia in; nang in Pasian thu na ngaihsun kei hi, mite thu bek na ngaihsun hi,” ci-in Piter a taai hi.

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Isaiah 65:23

Amaute in a mawkna dingin na sem lo ding uh a, lungkham nadingin ta nei lo ding uh hi; bang hang hiam cih leh amaute pen Topa’ thupha piak suan leh khakte hi ding uh a, amau’ tate amaute tawh nungta khawm ding uh hi.

Late 78:4

Hih thute, i tate tungah eite in im loin, hong piang ding khangthakte tungah, Topa’ minthang nasepna, ama vangliatna leh ama sepsa nalamdangte i gen ding hi.

Thu-hilhkikna 4:37

Amah in na pate uh itin, amau suan leh khakte hong tel a, amahmah in ama vanglian tawh Izipt panin note hong paikhiatpih a,

Gamlak-vakna 14:31

Ahih hangin galte in man ding na cih uh na tate uh, keimah in ka tumpih ding a, note in na thusim loh uh leitang amaute in mu ding uh hi.

Piancilna 17:7

Nang leh nang’ khit cianga na suan-le-khakte' tungah Pasian ka hihna ding tawntung thuciam nadingin kei leh nang leh nang’ khit cianga na suan-le-khakte’ kikal-ah amau' khang tawntungin ka thuciamna ka kipsak ding hi.

1 SAMUEL MASA 1:22

Ahih hangin Hannah paito lo hi; bang hang hiam cih leh amah in a pasal kiangah, “Naungek nawi tawh a kikhen phetin Topa’ omna mai-ah kilakin tua lai-ah a om tawntung dingin ka paipih ding hi,” a ci hi.

1 SAMUEL MASA 1:11

Amah in thuciamna khat bawlin, “Mihonte’ Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa tungah a khan’ tawntungin amah ka pia ding a, ama lu-ah mulkiatna kitah lo ding hi,” a ci hi.

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Mattiu 5:10

“Dikna thu hanga bawlsiatna a thuakte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Joshua 8:35

Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.