Marka 1:5 - Tedim Bible

⁵ Jerusalem khuapihte akipan Judah gamah a om mi khempeuhte in ama kiangah va pai uh a, amau mawhna pulakin ama khut tungah, Jordan gun sungah a kibaptaiz uh hi.

Tedim Bible Revision 2017

⁵ Johanʼ thuhilhna a ngai dingin Jerusalem khua a kipan Judea gam sunga om mi khempeuhte a hong pai uh hi. Amaute in a mawhnate uh va pulak uh a, Jordan Gun sungah Johan in amaute a tuiphum hi.

Marka 1:5 Referans Kwoze

Sawltak 19:18

A um mi tampite in hong pai uh a, pulakin a gamtatna thu a gen uh hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Johan 3:23

Johan in zong Salim tawh kinai Ainon khua-ah baptaiz-in a om hi. Bang hang hiam i cih leh, tuasan takah tui tam a om hi.

Johan 1:28

Johan baptaizna mun Jordan gun galkhat Bethani khua-ah hih thu khempeuh a piang hi.

Mattiu 4:25

Galile gam, Dekapolis gam, Jerusalem khuapi akipan, Judah gam, Jordan gungal khat pan mi tampi hong pai uh a, a nung a zui uh hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.

Marka 1:4

Johan hong kilang a, gampa lakah baptaiz a, mawh kimaisak nadingin, mawhna kisik kikna thu leh baptaizna thu a hilh hi.

Marka 1:6

Johan in kala-oh mul kigan puan silh a, savun kawnggak in a kawng a gak hi. Kauphe leh gamlak khuaizu-in kivak hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.